ବ୍ରହ୍ମଗିରି: 150ତମ ଗାନ୍ଧୀ ଜୟନ୍ତୀ ଉପଲକ୍ଷେ ଗାନ୍ଧୀ ସଂକଳ୍ପ ପଦଯାତ୍ରା ଅନୁଷ୍ଠିତ । ଏହି ଅବସରରେ ନିଶା ବିରୋଧୀ ଓ ପ୍ଲାଷ୍ଟିକ ପରିତ୍ୟାଗ କରି ସ୍ବଚ୍ଛ ଭାରତ ଗଠନର ନାରା ଦିଆଯାଇଛି ।
ଭିଡିଓ ସୌଜନ୍ୟ : ପ୍ରତିନିଧି, ବ୍ରହ୍ମଗିରି
ଗାନ୍ଧୀ ଜୟନ୍ତୀ ଉପଲକ୍ଷେ ଗାନ୍ଧୀ ସଂକଳ୍ପ ପଦଯାତ୍ରାରେ ବ୍ରହ୍ମଗିରି ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର ନିଜର ଶତାଧିକ ସମର୍ଥକଙ୍କ ସହ ଗୁରୁବାର ଦିନ ପଦଯାତ୍ରା କରିଛନ୍ତି । ସର୍ବପ୍ରଥମେ ବକ୍ସି ପୀଠ ଗଡ଼ରୋଡଙ୍ଗ ଠାରେ ଗ୍ରାମବାସୀଙ୍କ ଦ୍ଵାରା ସଫେଇ କର୍ଯ୍ୟକ୍ରମରେ ବିଧାୟକ ଯୋଗ ଦେଇ ଗ୍ରାମର ମହିଳାଙ୍କ ସହିତ ହାତରେ ଝାଡୁଧରି ଗାଁ ସଫା କରିଛନ୍ତି।
ବ୍ରହ୍ମଗିରି ପଞ୍ଚାୟତର 18ଟି ଗ୍ରାମରେ ପଦଯାତ୍ରା କରି ନିଶା ହଟାଅ ଓ ପ୍ଲାଷ୍ଟିକ ମୁକ୍ତ ଓଡିଶା ଗଢି ତୋଳିବାକୁ ସଂକଳ୍ପ ନେବା ପାଇଁ ଲୋକମାନଙ୍କୁ ସଚେତନ କରିଛନ୍ତି । କିନ୍ତୁ ସେହି କର୍ଯ୍ୟକ୍ରମରେ ଖୋଦ ବିଧାୟକ ନିଜେ ସଂକଳ୍ପ ପଦଯାତ୍ରା ଲେଖାଥିବା ପ୍ଲାଷ୍ଟିକ ବ୍ୟାନର ଧରିଥିବା ଦେଖାଯାଇଛି।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
