ପୁରୀ: ଆଲୋକର ପର୍ବ ଦୀପାବଳିରେ ଘଟିଛି ଅଘଟଣ । ସତ୍ୟବାଦୀର ସୁଆଣ୍ଡୋ ଗ୍ରାମରେ ଥିବା ଉତ୍କଳ ମଣି ଗୋପବନ୍ଧୁ ଦାସଙ୍କ ଷଠି ଘରେ ଲାଗିଛି ନିଆଁ । ନିଆଁ ଲାଗିବାର କାରଣ ଅସ୍ପଷ୍ଟ ରହିଥିବା ବେଳେ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡ଼ିଛି ।
ଅଗ୍ନିକାଣ୍ଡ ବାଣ ଫୁଟିବା ଯୋଗୁଁ କି ସର୍ଟ ସର୍କିଟରୁ ହୋଇଛି ତାହା ଅସ୍ପଷ୍ଟ ରହିଛି । ନିଆଁ ଲାଗିବା ମାତ୍ରେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ବ୍ୟାପିବା ପୂର୍ବରୁ ଏହାକୁ ଆୟତ୍ତ କରିବାରେ ସକ୍ଷମ ହୋଇଛି । ଷଠି ଘରର ରକ୍ଷାଣବେକ୍ଷଣ ଲାଗି ସରକାର ଏଠାରେ ଏକ ପ୍ରୋଜକ୍ଟ ଆରମ୍ଭ କରିଛନ୍ତି । ଏହା ଏକ ଐତିହାସିକ ସ୍ଥାନ ହୋଇଥିବା ବେଳେ ରାଜ୍ୟବାସୀଙ୍କ ପାଇଁ ଏକ ଗୁରୁତ୍ବ ବହନ କରେ । ଏଣୁ ସରକାର ଏହାର ସୁରକ୍ଷା ବ୍ୟବସ୍ଥା ସମ୍ପର୍କରେ ଅଧିକ ସଚେତନ ହେବା ଆବଶ୍ୟକ ।
ଏହା ବି ପଢନ୍ତୁ- ଦୀପାବଳିରେ ଅଶାନ୍ତ ପିପିଲି, ପୂର୍ବ ଶତ୍ରୁତାରୁ ଯୁବକଙ୍କୁ ଗୁଳିମାଡ
ତେବେ ଏହି ଅଗ୍ନିକାଣ୍ଡରେ ହୋଇଥିବା କ୍ଷୟକ୍ଷିତ ସମ୍ପର୍କରେ ସଠିକ ତଥ୍ୟ ହସ୍ତଗତ ହୋଇନାହିଁ । ଏହି ଅଘଟଣରେ ଐତିହାସିକ ସ୍ଥଳର କଣ କ୍ଷୟକ୍ଷତି ହୋଇଛି ଏବଂ ଭବିଷ୍ୟତରେ ଏପରି ଅଘଟଣକୁ ରୋକିବା ଦିଗରେ ସରକାର ଅଧିକ ଯତ୍ନବାନ ହେବା ଆବଶ୍ୟକ ହୋଇପଡ଼ିଛି ।
ଇଟିଭି ଭାରତ, ପୁରୀ
