ପୁରୀ: ଡେଲାଙ୍ଗ ସାହୁରିଆପଡ଼ା ପଞ୍ଚାୟତର କୁଆପଦା ଗ୍ରାମରେ ଘଟିଛି ଏକ ଦୁଃଖଦ ଘଟଣା । ପଥର ଖଣିରେ ଥିବା ପାଣିରେ ଗାଧୋଇବା ବେଳେ ବୁଡି ଯୁବକଙ୍କ ମୃତ୍ୟୁ । ଫଳରେ ଡେଲାଙ୍ଗ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ପଥର ଖଣିରେ ଥିବା ପାଣିରେ ଗାଧୋଇବା ବେଳେ ବୁଡ଼ି ଯୁବକ ମୃତ
ପଥର ଖଣିରେ ଗାଧୋଇବା ହେଲା କାଳ । ସାଙ୍ଗ ମାନଙ୍କ ସହ ପଥର ଖଣିରେ ଥିବା ପାଣିରେ ଗାଧୋଇବାକୁ ଯାଇଥିବା ବୁଡ଼ିଯାଇ ଜଣେ ଯୁବକଙ୍କ ମୃତ୍ୟୁ ହୋଇଛି । ଯୁବକ ଜଣକ ସ୍ଥାନୀୟ ଡେଲାଙ୍ଗ କୁଆପଦା ଗ୍ରାମର ରାଜୀବ କୁମାର୍ ନିସଂଗ(୧୮) ଗୁରୁତର ଅବସ୍ଥାରେ ରାଜୀବଙ୍କୁ ଗ୍ରାମବାସୀ ଉଦ୍ଧାରକରି ସ୍ଥାନୀୟ ଡେଲାଙ୍ଗ ସରାକରୀ ମେଡ଼ିକାଲକୁ ନେଇଥିଲେ ମଧ୍ୟ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ପୁଅର ମୃତ୍ୟୁରେ ବାପା ଚିତ୍ରସନ ନିସଙ୍କ ପୁରା ପରିବାର ଭାଙ୍ଗି ପଡ଼ିଥିବା ବେଳେ ଡେଲାଙ୍ଗ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ଇଟିଭି ଭାରତ, ପୁରୀ
