ନିରଞ୍ଜନଙ୍କ ଘରୁ ଚୋରି: ବାହାର ଚୋର ଗିରଫ, ଭିତର ଚୋର ଫେରାର

ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ଘଟଣାରେ ଜଣେ ଗିରଫ ହୋଇଛି । ସେପଟେ ପ୍ରଥମ ଚୋରି ଘଟଣାର ଟେର ପାଉନି ପୋଲିସ ।

ଭୁବନେଶ୍ବର: ପୂର୍ବତନ ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ଘଟଣା । ଘରେ ପଶି ସୁନା,ଗହଣା ଚୋରି କରିଥିବା ଚୋରର ଟେର ପାଉନାହିିଁ ପୋଲିସ । ସେପଟେ ଘର ବାହାରେ ଚୋରି ଉଦ୍ୟମ କରୁଥିବା ଅନ୍ୟ ଚୋରକୁ ଗିରଫ କରିଛି କମିଶନରେଟ୍ ପୋଲିସ । ଏନେଇ ସୂଚନା ଦେଇଛନ୍ତି ପୋଲିସ କମିଶନର ।

ଏମିତି କହିଲେ ପୋଲିସ କମିଶନର:

ପୋଲିସ କମିଶନର ସୁରେଶ ଦେବଦତ୍ତ ସିଂ କହିଛନ୍ତି," ଗତ 26 ତାରିଖ ଭୋରରୁ ନିରଞ୍ଜନଙ୍କ ଘରୁ ହୋଇଥିବା ଚୋରି ଘଟଣାରେ କମିଶନରେଟ ପୋଲିସକୁ ମିଳିଛି କିଛି ସୁରାକ । କେହି ଜଣାଶୁଣା ବ୍ୟକ୍ତି ଘରେ ପଶି ଚୋରି କରିଥାଇପାରନ୍ତି । ସେଥିପାଇଁ ତଦନ୍ତକାରୀ ଟିମ୍ ତଦନ୍ତ ଜାରି ରଖିଛନ୍ତି । ଏବେ ସେ ବିଷୟରେ କହିବା ଠିକ ହେବ ନାହିଁ । ବିଭିନ୍ନ ଦିଗକୁ ନେଇ ଘରେ କାମ କରୁଥିବା ଡ୍ରାଇଭର, ରୋଷେୟା, PSO, ସିକ୍ୟୁରିଟି ଗାର୍ଡ ଆଦି ଲୋକଙ୍କୁ ପଚରାଉଚୁରା କରାଯାଉଛି ।"

ସେ ଆହୁର ମଧ୍ୟ କହିଛନ୍ତି," ପୋଲିସକୁ CCTV ଫୁଟେଜ ଆଧାରରେ କିଛି ସୁରାକ ମିଳିଛି । ଯା‌ହାକୁ ନେଇ ଏବେ ଅଧିକ କିଛି କୁହାଯାଇ ପାରିବନାହିଁ । ଯେ ପର୍ଯ୍ୟନ୍ତ ସଠିକ ଭାବେ ଜଣାପଡ଼ିନାହିଁ । ସେହିପରି ଦ୍ଵିତୀୟ ଘଟଣାରେ ଅଭିଯୁକ୍ତକୁ ଗିରଫ କରାଯାଇଛି । ପୂର୍ବରୁ ତାର ନାଁରେ ମୈତ୍ରୀ ବିହାର ଓ ନୟାପଲ୍ଲୀ ଥାନାରେ 8ଟି ମାମଲା ରହିଛି । ସେ ଗଞ୍ଜାମର ଲୋକ ।"

LOOT FROM NIRANJAN PATNAIK HOUSE (ETV Bharat Odisha)

ଫସିଗଲା ବାହାର ଚୋର :
ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ଘଟଣାର ୪୮ ଘଣ୍ଟା ଭିତରେ ଆଉ ଏକ ଚୋର ସେହି ଅଞ୍ଚଳରେ ବୁଲିବା ବେଳେ ଧରାପଡ଼ିଥିଲା‌ । ଯେ କି ଗତ 5 ତାରିଖରେ ଜେଲରୁ ମୁକୁଳି ଥିଲା । ତାର ନାଁ ପି.ପରମ ରାଓ । ସେ ଗଞ୍ଜାମ ବେଲଗୁଣ୍ଠା ଅଞ୍ଚଳର ବୋଲି ଜଣାପଡ଼ିଛି ।ଏହି ଚୋର ନାଁରେ ଏକାଧିକ ମାମଲା ରହିଛି । ଗତ ୨୮ତାରିଖ ରାତ୍ରିରେ ନୟାପଲ୍ଲୀ ଅଞ୍ଚଳରେ ଚୋରି ଉଦ୍ୟମ ବେଳେ ଲୋକେ ପୋଲିସକୁ ଖବର ଦେଇଥିଲେ । ଏହାପରେ ଏକ ଗଛ ଉପରେ ଚଢ଼ି ଯାଇଥିଲା । ସିସିଟିଭକୁ ଆଧାର କରି ପୋଲିସ ପି.ପରମକୁ ଗିରଫ କରିଥିଲା । ତଦନ୍ତ ବେଳେ ଜଣାପଡିଥିଲା ସେ ନିଶା ପାଇଁ ଏଭଳି ଚୋରି କରେ ।

ଭିତର ଚୋରକୁ ଧରିବାରେ ଅସଫଳ ପୋଲିସ :

ତେବେ ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ଘଟଣା ପରେ । ପୋଲିସ କମିଶନରଠୁ ଆରମ୍ଭ କରି ଭୁବନେଶ୍ୱର-କଟକ ଡିସିପି ଘଟଣା ସ୍ଥଳ ପରିଦର୍ଶନ କରିଥିଲେ । ହେଲେ ପ୍ରଥମେ ଘରେ ପଶି ସୁନା,ଗହଣା ଚୋରି କରିଥିବା ଚୋରର ଟେର ପାଉନାହିିଁ ପୋଲିସ

ଇଟିଭି ଭାରତ, ଭୁବନେଶ୍ବର