ପୁରୀ: ବହୁଚର୍ଚ୍ଚିତ ଅସ୍ତରଙ୍ଗ ଥାନା ଦିନାଡିଆ ହତ୍ୟା ଘଟଣାର ଆସିଛି କୋର୍ଟଙ୍କ ରାୟ । ଏହି ଘଟଣାରେ ୩ ଦୋଷୀଙ୍କୁ ଆଜୀବନ କାରାଦଣ୍ଡ ନିର୍ଦ୍ଦେଶ ଦେଲେ ମାନ୍ୟବର କୋର୍ଟ । ଦିନାଡିଆ ପୂର୍ବତନ ଡିଆଇଙ୍କ ସପରିବାରର ନିର୍ମମ ହତ୍ୟା ଘଟଣାରେ
ଘଟଣାରେ ମୁଖ୍ୟ ଅଭିଯୁକ୍ତ ହିମାଦ୍ରି ଦାସ ଓରଫ ରହିମ୍ ଖାଁ, ରହିମଙ୍କ ପତ୍ନୀ ଆୟେଶା ବେଗମ୍ ଓ ମୃତ ଦୀନବନ୍ଧୁଙ୍କ ସଢୁ ଫକୀର ମଲ୍ଲିକଙ୍କୁ ଆଜୀବନ ଜେଲ୍ ଦଣ୍ଡାଦେଶ ଦେଇଛନ୍ତି କୋର୍ଟ।
ସୂଚନାନୁୟାୟୀ, ୨୦୧୫ ସେପ୍ଟେମ୍ବର ୨୧ରେ ଦିନାଡିଆର ଅବସରପ୍ରାପ୍ତ ଡିଆଇ ଦିନବନ୍ଧୁ ମଲ୍ଲିକ, ତାଙ୍କ ପତ୍ନୀ ନିର୍ମଳା, ୧୨ ବର୍ଷର ଝିଅ ଶାଶ୍ୱତୀ ଏବଂ ୪ ବର୍ଷର ଝିଅ ପ୍ରଣତୀଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିଲା। ଏହାପରେ ଘରୁ ସମସ୍ତ ସମ୍ପତ୍ତି ଲୁଟି ନେବା ସହ ଫେରାର ହୋଇଯାଇଥିଲେ ଦୁର୍ବୃର୍ତ୍ତ। ସେତେବେଳେ ଏହି ଘଟଣା ସାରା ରାଜ୍ୟରେ ଚାଞ୍ଚଲ୍ୟ ସୃଷ୍ଟି କରିଥିବା ବେଳେ ମାମଲାରେ ଖୋଳତାଡ଼ ଆରମ୍ଭ କରିଥିଲା କ୍ରାଇମ୍ବ୍ରାଞ୍ଚ ।
ଗତ ମଙ୍ଗଳବାର କୋର୍ଟ ଏହି ମାମଲାରେ ୩ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଥିବା ବେଳେ ଆଜି ଆଜୀବନ କାରାଦଣ୍ଡ ଶୁଣାଇଛନ୍ତି କୋର୍ଟ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
