ପୁରୀ: ଶ୍ରୀମନ୍ଦିର ରତ୍ନବେଦୀକୁ ବିଜେ କରିଛନ୍ତି ଶ୍ରୀଜିଉ । ଆଜି(ଶନିବାର) ଠାରୁ ଶ୍ରୀମନ୍ଦିରରୁ ନୀଳାଚଳ ଅବଢା ବାହାରିବ । ଭକ୍ତଙ୍କୁ ମିଳିବ ଏହି ଅବଢା । ଏଥିପାଇଁ ପ୍ରଶାସନ ପକ୍ଷରୁ ଉତ୍ତର ଦ୍ବାର ନିକଟରେ ବ୍ୟବସ୍ଥା ହୋଇଛି । ସୁଆର ମହାସୁଆର ନିଯୋଗ ପକ୍ଷରୁ ଅବଢ଼ା ଯୋଗାଇ ଦେବା ପାଇଁ ବ୍ୟବସ୍ଥା କରାଯାଇଥିବା ଜଣାପଡିଛି ।
ଭକ୍ତ ପାଇବେ ନୀଳାଚଳ ଅବଢା । ନବଦିନାତ୍ମକ ମାଉସୀ ଘର ଯାତ୍ରାସାରି ଗତକାଲି(ଶୁକ୍ରବାର) ରତ୍ନବେଦୀରେ ବିରାଜିତ ହୋଇଛନ୍ତି ଚତୁର୍ଦ୍ଧାମୂର୍ତ୍ତି । ଫଳରେ ରଥଯାତ୍ରା ପାଇଁ ବନ୍ଦ ଥିବା ନୀଳାଚଳ ଅବଢା ଆଜି ଠାରୁ ମିଳିବ । ତେବେ ନୀଳାଚଳ ଅବଢ଼ା ଭକ୍ତ ମାନେ କିଭଳି ସୁରୁଖୁରୁରେ ପାଇବେ ସେନେଇ ପ୍ରଶାସନ ପକ୍ଷରୁ ଉତ୍ତର ଦ୍ୱାର ନିକଟରେ ବ୍ୟବସ୍ଥା ହୋଇଛି । ସୁଆର ମହାସୁଆର ନିଯୋଗ ପକ୍ଷରୁ ଅବଢ଼ା ଯୋଗାଇ ଦେବାପାଇଁ ବ୍ୟବସ୍ଥା କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
