ପୁରୀ: ପ୍ରଭୁ ଅଲାରନାଥ ମନ୍ଦିରରେ କୋଭିଡ କଟକଣା ଉଲ୍ଲଙ୍ଘନ ଅଭିଯୋଗ । ପୁଣି କୋଭିଡ କଟକଣା ଭାଙ୍ଗି ବ୍ରହ୍ମଗିରିର ଅଲାରନାଥ ମନ୍ଦିରକୁ ବାପାର ପର୍ଯ୍ୟଟକ ପ୍ରବେଶ କରିଥିବା ଦେଖିବାକୁ ମିଳିଛି ।
ଗତକାଲି(ବୁଧବାର) ଅଲାଳନାଥ ମନ୍ଦିର ନିକଟରେ ବୁଲୁଥିଲେ ବାହାର ପର୍ଯ୍ୟଟକ । ସେମାନଙ୍କ ମଧ୍ୟରେ ଥିଲେ ଦୁଇଜଣ ପୁରୁଷ ଓ ଜଣେ ମହିଳା । ଏହି ଲୋକଙ୍କୁ ପୋଲିସ୍ ନିଜେ ମନ୍ଦିରରେ ବୁଲାଉଥିବା ଭିଜୁଆଲ ମୋବାଇଲ କ୍ୟାମେରାରେ କଏଦ ହୋଇଛି । ଜଣେ ପୋଲିସ୍ ୩ ଜଣ ବାହର ପର୍ଯ୍ୟଟକଙ୍କୁ ସୁରକ୍ଷା ମଧ୍ୟରେ ନେଇ ମନ୍ଦିର ବୁଲାଉ ଥିବାବେଳେ ବର୍ଦ୍ଦିରେ ଲାଗିଥିବା ୨ ଷ୍ଟାର ପୋଲିସ୍ ବାବୁ ଜଣକ ମନ୍ଦିର ସମ୍ମୁଖରେ ପ୍ରହରା ଦେଉଥିଲେ । ଦୀର୍ଘ ସମୟ ଧରି ମନ୍ଦିର ବୁଲିବା ପରେ ମନ୍ଦିର ସମ୍ମୁଖରେ ଥିବା ଏକ ବୋଲେରୋରେ ଫେରିଯାଇଥିଲେ ।
ତେବେ ଏମାନେ କାହା ଅନୁମତିରେ ଗୁଣ୍ଡିଚା ମନ୍ଦିର ଓ ଅଲାରନାଥ ମନ୍ଦିରରେ ପ୍ରବେଶ କଲେ ବୋଲି ଏକ ବୃ ପ୍ରଶ୍ନବାଚୀ ସୃଷ୍ଟି ହୋଇଛି ? ୨ ଷ୍ଟାର ଥିବା ପୋଲିସ୍ ବାବୁଙ୍କ ନାମ ଥିଲା କୂଳମଣି ପଣ୍ଡା ! ତେବେ ଏଠି ପ୍ରଶ୍ନ ଉଠୁଛି ଏ ପୋଲିସ ବାବୁ ଜଣକ କିଏ ? କାହା ଅନୁମତିରେ କୋଭିଡ କଟକଣା ଭାଙ୍ଗି ମନ୍ଦିରରେ ପର୍ଯ୍ୟଟକଙ୍କୁ ବୁଲାଇଲେ ? ଏମାନେ ଆସିଥିବା ବୋଲେରୋ କାହାର ? ଏମାନେ ବେସ୍ ଆରାମରେ ଗୁଣ୍ଡିଚା ମନ୍ଦିର ସହ ଅଲାରନାଥ ମନ୍ଦିରରେ ପ୍ରବେଶ କଲେ । ମାତ୍ର କିଭଳି ଜାଣିପାରିଲାନି ପୁରୀ ପୋଲିସ ପ୍ରଶାସନ । ଏଠି ପ୍ରଶ୍ନ କୋଭିଡ କଟକଣା ଭାଙ୍ଗି ମନ୍ଦିରକୁ ପ୍ରବେଶ କରିଥିବା ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ କେବେ ? ଏନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇ ଥିବାବେଳେ ଗୋଟିଏ କଥା କିନ୍ତୁ ସ୍ପଷ୍ଟ ହୋଇଛି ଯ, କୋଭିଡ କଟକଣା କେବଳ ସାଧାରଣ ଭକ୍ତଙ୍କ ପାଇଁ !
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
