ପୁରୀ: ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ପାଇଁ ଆସୁଥିବା ଦିବ୍ୟାଙ୍ଗ ଓ ବୟସ୍କ ବ୍ୟକ୍ତିଙ୍କ ପାଇଁ ହୁଇଲ ଚେୟାର ବ୍ୟବସ୍ଥା କରାଯାଇଛି । ପୁରୀର ସାମାଜିକ ଅନୁଷ୍ଠାନ ସେଣ୍ଟର୍ ଫର୍ ଆକ୍ସନ ପକ୍ଷରୁ ଏଭଳି ବ୍ୟବସ୍ଥା କରାଯାଇଛି । ଶ୍ରୀମନ୍ଦିର ସମ୍ମୁଖ ରାଧାବଲ୍ଲଭ ମଠ ପାଖରେ ୧୦ ଗୋଟି ହୁଇଲ୍ ଚେୟାରର ଉଦଘାଟିତ ହୋଇଛି । ଦିବ୍ୟାଙ୍ଗ ଓ ବୟସ୍କ ବ୍ୟକ୍ତି ମାନେ ହୁଇଲ ଚେୟାରରେ ବସି ସହଜରେ କିଭଳି ଶ୍ରୀମନ୍ଦିର ପରିକ୍ରମା କରିପାରିବେ ସେନେଇ ଅନୁଷ୍ଠାନ ପକ୍ଷରୁ ନିଶୁଳ୍କରେ ଏହି ବ୍ୟବସ୍ଥା କରାଯାଇଛି ।
ଶ୍ରୀମନ୍ଦିର ପରିକ୍ରମା ପାଇଁ ହୁଇଲ ଚେୟାର ପ୍ରଦାନ କଲା ସେଣ୍ଟର ଫର ଆକ୍ସନ
ତେବେ ଶ୍ରୀମନ୍ଦିର ଚତୁପାର୍ଶ୍ବ ପରିକ୍ରମା ପାଇଁ ସେଣ୍ଟର୍ ଅଫ୍ ଆକ୍ସନ ପକ୍ଷରୁ ଏଭଳି ହୁଇଲ ଚେୟାରର ବ୍ୟବସ୍ଥା କରାଯାଇଥିବାରୁ ଦିବ୍ୟାଙ୍ଗ ଓ ବୟସ୍କ ବ୍ୟକ୍ତି ମାନେ ଖୁସି ପ୍ରକଟ କରିଛନ୍ତି । ଆଗାମୀ ଦିନରେ ଆହୁରି ଅଧିକ ହୁଇଲ ଚେୟାର ଯୋଗାଇ ଦିଆଯିବ ବୋଲି ସେଣ୍ଟର ଫର ଆକ୍ସନ ପକ୍ଷରୁ କୁହାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
