ପୁରୀ: କାକଟପୁର ପୋଲିସକୁ ସଫଳତା । ପାଟ୍ରୋଲିଂ ସମୟରେ ବ୍ରାଉନସୁଗାର ଜବତ ସହ 4 ଯୁବକଙ୍କୁ ଗିରଫ କରିଛି ପୁରୀ କାକଟପୁର ପୋଲିସ ।
ସୂଚନାଅନୁସାରେ, ଜିଲ୍ଲାରେ ବ୍ରାଉନସୁଗାର ସହିତ ଅନେକ ନିଶାଦ୍ରବ୍ୟ କାରବାର ଜୋରଦାର ଚାଲିଛି । ଏ ନେଇ କାକାଟପୁର ପୋଲିସ ପକ୍ଷରୁ ପାଟ୍ରୋଲିଂ ଜୋରଦାର କରାଯାଇଥିଲା । ଗତକାଲି ରାତିରେ ଟିକରପଡା ବ୍ରିଜ ନିକଟରେ ଦୁଇଟି ବାଇକ ଦ୍ରୁତ ଗତିରେ ଆସୁଥିଲା । ପୋଲିସ ସେମାନଙ୍କୁ ସନ୍ଦେହ କରି ଅଟକ ରଖି ତଲାସି ନେଇଥିଲା । ଏହା ପରେ ସେମାନଙ୍କଠାରୁ ବ୍ରାଉନସୁଗାର ଜବତ ହୋଇଥିଲା । ବ୍ରାଉନସୁଗାର ଚାଲାଣ ନେଇ ଚାରିଜଣ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେମାନଙ୍କଠାରୁ 2ଟି ବାଇକ ଜବତ କରିଛି ପୋଲିସ ।
ଗିରଫ ଚାରି ଯୁବକ ହେଲେ ଦୟନାଥପୁରର ପ୍ରସନ୍ନ ତ୍ରିପାଠୀ , କାକଟପୁର ମେଡ଼ିକାଲ ଛକର ରଞ୍ଜନ କାଣ୍ଡି, ଧୁରୁଜଙ୍ଗର ସମ୍ପଦ କାଣ୍ଡି ଓ ଓସ୍ତପୁରର ଅଶୋକ ମୁଦୁଲି । ଏମାନେ ଖୋର୍ଦ୍ଧାରୁ ବ୍ରାଉନସୁଗାର ଆଣି କାକଟପୁର ଯାଉଥିଲେ। ଗତ କିଛିଦିନ ହେବ ଏହି 4 ଜଣ ବ୍ରାଉନ ସୁଗାର ବେପାର ଚଳାଇ ଥିଲେ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
