ବ୍ରହ୍ମଗିରି: ଫନି ବାତ୍ୟାରେ ମେରାଇନ ସହାୟତା ଟଙ୍କା କରାଇ ଦେଇଥିବା ବିଜେଡି କର୍ମୀଙ୍କୁ ଟଙ୍କା ଦେଲେନି ମାଛ ଧରାଳି । ହାତ ଗୋଡ ବାନ୍ଧି ମାଡ ମାରିଥିବା ଅଭିଯୋଗ ।
ମାଛ ଧରାଳିଙ୍କୁ ମେରାଇନ ଟଙ୍କା କରାଇଦେଇଥିବା BJD କର୍ମୀ ମାଡ ମାରିଥିବା ଅଭିଯୋଗ
ବନ୍ଧା ଯାଇଥିବା ମାଛ ଧରାଳିଙ୍କ କହିବା ଅନୁଯାୟୀ, ତାଙ୍କୁ ସରକାରଙ୍କ ପକ୍ଷରୁ ଫନି ବାତ୍ୟାରେ ମେରାଇନ ଟଙ୍କା ମିଳିବାର ଥିଲା । ବିଜେଡି କର୍ମୀ ତାଙ୍କ ମେରାଇନ ଟଙ୍କା କରାଇଦେଇଥିବାରୁ ପରେ କମିଶନ ମାଗିଥିଲେ । ମାତ୍ର ମାଛ ଧରାଳି ଜଣକ ସେମାନଙ୍କୁ କମିଶନ ବାବଦକୁ ଟଙ୍କା ଦେଇନଥିଲେ । ଫଳରେ ତାଙ୍କୁ ବିଦ୍ୟୁତ ଖୁଣ୍ଟରେ ବାନ୍ଧି ମାଡ ମରାଯାଇଥିବା ଅଭିଯୋଗ କରିଛନ୍ତି । ସେ ମଧ୍ୟ ଏଥିପାଇଁ କେତେକ ବିଜେଡି କର୍ମୀଙ୍କୁ ଦାୟୀ କରିଛନ୍ତି । ପୁରୀ ଜିଲ୍ଲା ବ୍ରହ୍ମଗିରି ନିର୍ବାଚନମଣ୍ଡଳୀ କୃର୍ଷ୍ଣପ୍ରସାଦ ବ୍ଲକ ବ୍ରହ୍ମପୁର ଗ୍ରାମରେ ଘଟିଛି ଏପରି ଘଟଣା ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
