ଭୁବନେଶ୍ବର: ପୁରୀ ସଂସଦୀୟ କ୍ଷେତ୍ରରେ ବିଜୟୀ ହୋଇଛନ୍ତି ପିନାକୀ ମିଶ୍ର । ବିଜେପି ପ୍ରତିଦ୍ବନ୍ଦୀ ସମ୍ବିତ ପାତ୍ର ଓ କଂଗ୍ରେସ ପ୍ରାର୍ଥୀ ସତ୍ୟପ୍ରକାଶ ଦାସ ମଇଦାନକୁ ଓହ୍ଲାଇ ଥିବାବେଳେ ସମ୍ବିତ ଓ ପିନାକୀଙ୍କ ମଧ୍ୟରେ ହୋଇଥିଲା ଜୋରଦାର ଟକ୍କର । ଆଉ ଶେଷରେ ସମସ୍ତଙ୍କୁ ପଛରେ ପକାଇ ନିଜ ଗଡକୁ କବ୍ଜା କରିଛନ୍ତି ପିନାକୀ ମିଶ୍ର । ନିଜର ଏହି ବିଜୟ ପରେ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟି ଶୁଭେଚ୍ଛା ଜଣାଇଛନ୍ତି ।
ଭିଡିଓ ସୌଜନ୍ୟ:ସମ୍ବାଦଦାତା, ଭୁବନେଶ୍ୱର
ଏହି ସମୟରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ପିନାକୀ କହିଛନ୍ତି ଯେ ,ସାରାଦେଶରେ ମୋଦି ଲହର ଥାଇପାରେ । ମାତ୍ର ଓଡ଼ିଶାରେ ନବୀନ ଲହରୀ ଆଗରେ ଫିକା ପଡିଛି ମୋଦି ଲହରୀ । ତେବେ ପୁରୀରେ କଡ୍ଡା ଟକ୍କର ମଧ୍ୟରେ ଆସନ ହାତେଇଛନ୍ତି ପିନାକୀ । ଆଗାମୀ ଦିନରେ ପୁରୀ ଓ ଓଡ଼ିଶାର ସ୍ଵାର୍ଥ ପାଇଁ କାର୍ଯ୍ୟ କରିବେ ବୋଲି ସେ କହିଛନ୍ତି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
