ହାଇଦ୍ରାବାଦ: ବଲିଉଡର ଜଣାଶୁଣା 4 କଳକାରଙ୍କୁ ବର୍ତ୍ତମାନ ହତ୍ୟା ଧମକ ଦିଆଯାଇଛି । ଏଥିମଧ୍ୟରେ ଭାରତର ପ୍ରସିଦ୍ଧ ହାସ୍ୟ ଅଭିନେତା କପିଲ ଶର୍ମାଙ୍କ ନା ସାମିଲ । ଏହି ଇମେଲରେ କପିଲ ଶର୍ମା, ତାଙ୍କ ପରିବାର ଏବଂ ରାଜପାଲ ଯାଦବ, ରେମୋ ଡିସୁଜା ଓ ସୁଗନ୍ଧାଙ୍କୁ ହତ୍ୟା ଧମକ ଦିଆଯାଇଛି । ତେବେ ଆପଣ ଜାଣନ୍ତି କି ଏହି ହାସ୍ୟ ଅଭିନେତା ଭାରତର ସବୁଠାରୁ ଅଧିକ ରୋଜଗାର କରୁଥିବା ଟିଭି ଅଭିନେତାଙ୍କ ମଧ୍ୟରୁ ଜଣେ । ଦିନେ କପିଲ 500ଟଙ୍କାରେ ଚଳୁଥିଲେ, ଆଜି ଗୋଟିଏ ଶୋ'କୁ କୋଟି କୋଟି ଟଙ୍କା ଚାର୍ଜ କରନ୍ତି । ତେବେ ଆସନ୍ତୁ ଜାଣିବା ସମସ୍ତଙ୍କ ମୁହଁରେ ହସ ଆଣି ଦେଉଥିବା କପିଲ ଶର୍ମାଙ୍କ ମୋଟ ସମ୍ପତ୍ତି କେତେ ?
ଗୋଟିଏ ଏପିସୋଡ୍ ପାଇଁ କେତେ ଚାର୍ଜ କରନ୍ତି ?
ଗଣମାଧ୍ୟମ ରିପୋର୍ଟ ଅନୁସାରେ, ହାସ୍ୟ ଅଭିନେତା କପିଲ ଶର୍ମା ଭାରତର ସର୍ବାଧିକ ରୋଜଗାର କରୁଥିବା ହିନ୍ଦୀ ହାସ୍ୟ ଅଭିନେତା । 'ଦ କପିଲ ଶର୍ମା ଶୋ'ରୁ ପ୍ରସିଦ୍ଧି ହାସଲ କରିଥିବା କପିଲ ଶର୍ମାଙ୍କୁ ଆଜି କୌଣସି ପରିଚୟର ଆବଶ୍ୟକତା ନାହିଁ। ତାଙ୍କର କମେଡି ଶୋ’ ଭାରତର ଅଧିକାଂଶ ଘରେ ଦେଖାଯାଏ । ରିପୋର୍ଟ ଅନୁସାରେ, କପିଲ ଶର୍ମା ପ୍ରତ୍ୟେକ ଏପିସୋଡ୍ ପାଇଁ ୫ କୋଟି ଟଙ୍କା ରୋଜଗାର କରନ୍ତି । ଟିଭିରେ ଧମାଲ କରିବା ପରେ, କପିଲ ଶର୍ମା OTTରେ ତାଙ୍କର ନୂତନ ଶୋ' 'ଦ ଗ୍ରେଟ୍ ଇଣ୍ଡିଆନ୍ କପିଲ ଶୋ' ଆଣିଛନ୍ତି । 'ଦ ଗ୍ରେଟ୍ ଇଣ୍ଡିଆନ୍ କପିଲ୍ ଶୋ'ର ପ୍ରଥମ ସିଜିନ୍ ବହୁତ ପ୍ରଶଂସା ପାଇଥିଲା । ଶୋ’ର ଦ୍ୱିତୀୟ ସିଜିନ୍ ମଧ୍ୟ ବହୁତ ଚର୍ଚ୍ଚା ସୃଷ୍ଟି କରିଥିଲା । ଏହି ଶୋ’ ପରେ, କପିଲ ଶର୍ମାଙ୍କ ସମ୍ପତ୍ତି ବହୁତ ବଢ଼ିଯାଇଛି ।
କପିଲ ଶର୍ମାଙ୍କ ନେଟ୍ ୱର୍ଥ ?
IMBD ରିପୋର୍ଟ ଅନୁଯାୟୀ, ନେଟଫ୍ଲିକ୍ସରେ 'ଦ ଗ୍ରେଟ୍ ଇଣ୍ଡିଆନ୍ କପିଲ ଶୋ'ର ଦୁଇଟି ସିଜିନ୍ ପରେ, କପିଲ ଶର୍ମାଙ୍କ ନେଟ୍ ୱର୍ଥ 300 କୋଟି ଟଙ୍କା । ଏହା ପରେ, କପିଲ ଶର୍ମା ହିନ୍ଦୀ ଟେଲିଭିଜନର ସବୁଠାରୁ ଧନୀ ଟିଭି ଅଭିନେତା ହୋଇଯାଇଛନ୍ତି । ଗଣମାଧ୍ୟମ ରିପୋର୍ଟ ଅନୁସାରେ, ଭାରତର ସବୁଠାରୁ ଧନୀ ହାସ୍ୟ ଅଭିନେତାଙ୍କ ତାଲିକାରେ କପିଲ ଶର୍ମା ଦ୍ୱିତୀୟ ସ୍ଥାନରେ ଅଛନ୍ତି । ଏହି ତାଲିକାର ଶୀର୍ଷରେ ଅଛନ୍ତି ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରିର ପ୍ରସିଦ୍ଧ ହାସ୍ୟ ଅଭିନେତା ବ୍ରହ୍ମାନନ୍ଦମ, ଯାହାଙ୍କର ମୋଟ ସମ୍ପତ୍ତି ୪୯୦ କୋଟି ଟଙ୍କା ।
ଦିନେ 500ଟଙ୍କାରେ ଚଳୁଥିଲେ
କପିଲ ଶର୍ମାଙ୍କ କ୍ୟାରିଅର କପିଲ ଶର୍ମା ଭାରତର ପ୍ରସିଦ୍ଧ ହାସ୍ୟ ଅଭିନେତାମାନଙ୍କ ମଧ୍ୟରୁ ଜଣେ । ସେ ୫୦୦ ଟଙ୍କା ଦରମାରେ ତାଙ୍କର କ୍ୟାରିଅର ଆରମ୍ଭ କରିଥିଲେ । ସେ ପ୍ରଥମେ 'ଦ ଗ୍ରେଟ୍ ଇଣ୍ଡିଆନ୍ ଲାଫଟର୍ ଚ୍ୟାଲେଞ୍ଜ 3'ରେ ବିଜୟ ହାସଲ କରି ସମସ୍ତଙ୍କ ହୃଦୟ ଜିତିଥିଲେ । ଏହା ପରେ, ସେ 'କମେଡି ସର୍କସ' ଭଳି ହିଟ୍ କମେଡି ଶୋ' ମାଧ୍ୟମରେ ଲୋକମାନଙ୍କୁ ବହୁତ ହସାଇଲେ । ଏହା ପରେ ସେ ତାଙ୍କର ଶୋ' 'କମେଡି ନାଇଟ୍ସ ୱିଥ୍ କପିଲ' ଆଣିଥିଲେ, ଯାହା ତାଙ୍କୁ ଭାରତର ସବୁଠାରୁ ଲୋକପ୍ରିୟ ହାସ୍ୟ ଅଭିନେତାଙ୍କ ମଧ୍ୟରୁ ଜଣେ କରିଥିଲା ।
ଏହା ମଧ୍ୟ ପଢନ୍ତୁ: କପିଲ ଶର୍ମା-ରାଜପାଲ ଯାଦବଙ୍କୁ ହତ୍ୟା ଧମକ, ଇମେଲରେ ଚେତାବନୀ
କପିଲ ଶର୍ମାଙ୍କ ଫିଲ୍ମ ବିଷୟରେ କହିବାକୁ ଗଲେ,
କପିଲ ଶର୍ମା ତାଙ୍କ ଟେଲିଭିଜନ କ୍ୟାରିୟର ବ୍ୟତୀତ ଚଳଚ୍ଚିତ୍ରରେ ମଧ୍ୟ ନିଜର ଭାଗ୍ୟ ଚେଷ୍ଟା କରିଥିଲେ । ସେ 'କିସ୍ କିସ୍ କୋ ପ୍ୟାର୍ କରୁଁ', 'ଫିରଙ୍ଗୀ', 'ଜ୍ୱିଗାଟୋ' ଏବଂ 'କ୍ରୁ' ଭଳି ଫିଲ୍ମରେ ଅଭିନୟ କରିଛନ୍ତି । ନିକଟରେ, ସେ ନେଟଫ୍ଲିକ୍ସରେ 'ଦ ଗ୍ରେଟ୍ ଇଣ୍ଡିଆନ୍ କପିଲ୍ ଶୋ' ଲଞ୍ଚ କରିଥିଲେ, ଯେଉଁଥିରେ କରୀନା କପୁର-କରିସ୍ମା କପୁର, 'ବେବି ଜନ'ର ଟିମ୍, ରେଖା, ଆମୀର ଖାନ ଏବଂ ରଣବୀର କପୁରଙ୍କ ସମେତ ଅନେକ ସେଲିବ୍ରିଟି ଅତିଥି ଭାବରେ ଆସିଥିଲେ । ଜାନୁଆରୀ ୨୨ ତାରିଖରେ କପିଲ ଶର୍ମା କଣ୍ଠଦାନ କରିଥିବା ତାଙ୍କର ନୂଆ ଗୀତ 'ଗିଲ୍ଟ' ରିଲିଜ୍ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
