ବ୍ରହ୍ମଗିରି ବିଜେଡିରେ ଫାଟ, ସଂଜୟ ପାଇଁ କଣ୍ଟା ସାଜିଲେ କୈଳାସ !

ବ୍ରହ୍ମଗିରି ବିକାଶ ମଞ୍ଚର ଆବାହକ ତଥା ସଂଜୟଙ୍କ ଆନୁଗତ୍ୟ କୈଳାସ ପରିଡାଙ୍କ ଅଧ୍ୟକ୍ଷତାରେ ପଣସପଦା ଠାରୁ ଦହିଖିଆ ସେବକପୁର ଗ୍ରାମ ପଯ୍ୟନ୍ତ ବିଜେଡ଼ି ପଦଯାତ୍ରା ଆୟୋଜନ କରାଯାଇଛି । ଅଧିକ ପଢନ୍ତୁ

ବ୍ରହ୍ମଗିରି: ବ୍ରହ୍ମଗିରି ନିର୍ବାଚନ ମଣ୍ଡଳୀରେ ବିଜେଡ଼ିରେ ଫାଟ ! ଦଳର ପୂର୍ବତନ ମନ୍ତ୍ରୀ ତଥା ଦୁଇ ଦୁଇ ଥର ବିଧାୟକ ହୋଇ ନିର୍ବାଚନ ମଣ୍ଡଳୀରେ ନିଜର ପତିଆରା ଜାହିର କରି ଆସୁଥିବା ସଂଜୟ ଦାସବର୍ମାଙ୍କୁ ଟାର୍ଗେଟ କରାଯାଇଛି । ବିଗତ ଦିନରେ ସଂଜୟଙ୍କ ଆନୁଗତ୍ୟ ଥିବା କୈଳାସ ଚନ୍ଦ୍ର ପରିଡା କଣ୍ଟା ସାଜି ନିର୍ବାଚନ ମଣ୍ଡଳୀରେ ପଦଯାତ୍ରା କରିଥିବା ଦେଖିବାକୁ ମିଳିଛି ।

ସଂଜୟଙ୍କ ବିରୋଧୀ ଗୋଷ୍ଠି ବ୍ରହ୍ମଗିରି ବିକାଶ ମଞ୍ଚର ଆବାହକ ତଥା ସଂଜୟଙ୍କ ଆନୁଗତ୍ୟ କୈଳାସ ପରିଡାଙ୍କ ଅଧ୍ୟକ୍ଷତାରେ ପଣସପଦା ଠାରୁ ଦହିଖିଆ ସେବକପୁର ଗ୍ରାମ ପଯ୍ୟନ୍ତ ବିଜେଡ଼ି ପଦଯାତ୍ରା ଆୟୋଜନ କରାଯାଇଥିଲା । ଏହି ପଦ ଯାତ୍ରାରେ ଶତାଧିକ କର୍ମୀ ହାତରେ ବିଜେଡ଼ି ପତକା ଧରି ନବୀନ ପଟନାୟକଙ୍କ ଜୟ ଗାନ କରିବା ସହ କୈଳାସ ପରିଡାଙ୍କ ନାରା ଦେଇଥିଲେ । ପଦଯାତ୍ରା ଆରମ୍ଭ ହେବାର କିଛି ସମୟ ପରେ ସଂଜୟ ଦାସବର୍ମାଙ୍କ କିଛି ସମର୍ଥକ ଆସି ପଦ ଯାତ୍ରାକୁ ବନ୍ଦ କରିବା ସହ ସଂଜୟ ଦାସବର୍ମା ଅନୁପସ୍ଥିତିରେ ପଦଯାତ୍ରା ନ କରିବା ପାଇଁ ବାରଣ କରିଥିଲେ । ଫଳରେ କିଛି ସମୟ ପାଇଁ ସେଠାରେ ଉତ୍ତେଜନା ଦେଖିବାକୁ ମିଳିଛି ।

ତେବେ କୈଳାସ ଗୋଷ୍ଠି ଏଥିରେ ପଛଘୁଞ୍ଚା ନଦେଇ କାର୍ଯ୍ୟକ୍ରମ କରିବାରେ ସଫଳ ହୋଇଥିବା ଦେଖିବାକୁ ମିଳିଥିଲା । ରାଜ୍ୟ ରାଜନୀତିରେ ସଂଜୟଙ୍କ ପତିଆରା କମୁଥିବା ବେଳେ ନିଜ ନିର୍ବାଚନ ମଣ୍ଡଳୀରେ କଣ୍ଟା ସାଜି ଠିଆ ହୋଇଥିବା କୈଳାସଙ୍କ ପଛରେ କେଉଁ ଏକ ଅଦୃଶ୍ୟ ଶକ୍ତି ସାହାଯ୍ୟ କରିଥିବା ନିର୍ବାଚନ ମଣ୍ଡଳୀରେ ଚର୍ଚ୍ଚା ଜୋର ଧରିଛି । ବିଗତ ଦିନରେ ସଂଜୟ ଦାସବର୍ମା ନିର୍ବାଚନରେ ଲୁଲୁ ମହାପାତ୍ର ଓ ଲଳିତେନ୍ଦୁଙ୍କ ଠାରୁ ପରାସ୍ତ ହୋଇଥିଲେ । ଆଗାମୀ ନିର୍ବାଚନରେ ଲୁଲୁଙ୍କ ଝିଅ ଉପାସନା ନିର୍ବାଚନ ଲଢେଇ ପାଇଁ ପ୍ରସ୍ତୁତ ହେଉଥିବା ବେଳେ ସଂଜୟ ଦାସବର୍ମାଙ୍କ ପାଇଁ ନିଜର ଆନୁଗତ୍ୟ କୈଳାସ କଣ୍ଟା ସାଜି ନିଜର ପତିଆରା ଜାହିର କରିବାରେ ଲାଗିପଡିଛନ୍ତି।

ଇଟିଭି ଭାରତ, ବ୍ରହ୍ମଗିରି