ପୁରୀ: ପୁରୀ ସିଡିପିଓଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି ସଦର ବ୍ଲକର ୩୫୦ ଅଙ୍ଗନବାଡ଼ି କର୍ମୀ ଓ ସହାୟିକା । ଭାରତୀୟ ମଜଦୁର ସଂଘ ଅନୁବନ୍ଧିତ ଅଲ୍ ଓଡ଼ିଶା ଅଙ୍ଗନବାଡ଼ି ଲେଡିଜ୍ ୱାର୍କର୍ସ ଆସୋସିଏସନ୍ ନେତୃତ୍ବରେ ୮ଦଫା ଦାବି ନେଇ କର୍ମଚାରୀମାନେ ଧାରଣା ଦେଇଛନ୍ତି ।
ପୁରୀ ସିଡିପିଓଙ୍କ କାର୍ଯ୍ୟାଳୟ ସମ୍ମୁଖରେ ପୁରୀ ସଦର ବ୍ଲକର ଅଙ୍ଗନବାଡ଼ି କର୍ମୀ ଓ ସହାୟିକାଙ୍କ ଧାରଣା
ତେବେ ୨୦୧୮ ମସିହା ଆନ୍ଦୋଳନ ସମୟରେ ବହିଷ୍କୃତ ୬ ଜଣ ଅଙ୍ଗନବାଡ଼ି କର୍ମୀଙ୍କୁ ପୁନଃ ନିଯୁକ୍ତି, ଅଙ୍ଗନବାଡ଼ି କର୍ମଚାରୀଙ୍କୁ ସରକାରୀ ମାନ୍ୟତା ଦେବା, ମାସକୁ ୧୮ ହଜାର ଟଙ୍କା ଓ ସହାୟିକାଙ୍କୁ ୯ ହଜାର ଟଙ୍କା ସହ ଇପିଏଫ୍, ଇଏସ୍ଆଇ ଓ ଗ୍ରାଚ୍ୟୁଇଟି ଭଳି ବିଭିନ୍ନ ପ୍ରକାର ଦାବି କରିଛନ୍ତି କର୍ମଚାରୀମାନେ । ପୁରୀ ସଦର ସଙ୍ଗଠନ ସଭାନେତ୍ରୀ ଗୀତାଞ୍ଜଳି ସାହୁ, ସମ୍ପାଦିକା ସନ୍ଧ୍ୟାରାଣୀ ଶତପଥୀ, ଗୌରିପ୍ରସାଦିନି ହୋତାଙ୍କ ନେତୃତ୍ବରେ ଧାରଣା ଦିଆଯାଇଛି ।
ଇଟିଭି ଭାରତ, ପୁରୀ
