ପୁରୀ: ଲକଡାଉନ ଯୋଗୁଁ ଫସିଥିବା ଅସହାୟ ଶ୍ରମିକଙ୍କ ସାହାଯ୍ୟ ପାଇଁ ଆଗେଇ ଆସିଛନ୍ତି ଓଲିଉଡ କଳାକାର ସବ୍ୟସାଚୀ । ରାସ୍ତାରେ ଅସହାୟ ଅବସ୍ଥାରେ ଥିବା ଶ୍ରମିକଙ୍କୁ ଖାଦ୍ୟ ବ୍ୟବସ୍ଥା କରିବା ସହ ତାଙ୍କ ଘରକୁ ଯିବା ବ୍ୟବସ୍ଥା ମଧ୍ୟ କରୁଛନ୍ତି ।
ଏହି ପ୍ରୟାସକୁ ବିଭିନ୍ନ ମହଲରେ ଉଚ୍ଚ ପ୍ରଶଂସା କରାଯାଇଛି । ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ମଧ୍ୟ ଅଭିନେତା ସବ୍ୟସାଚୀଙ୍କ ଏଭଳି ମହନୀୟ କାର୍ଯ୍ୟକୁ ପ୍ରଶଂସା କରିଛନ୍ତି । ଅସହାୟ ଲୋକଙ୍କୁ ସବ୍ୟସାଚୀ ଯେଭଳି ସାହାଯ୍ୟର ହାତ ବଢ଼ାଇଛନ୍ତି ତାହା ସମାଜକୁ ଏକ ଭଲ ବାର୍ତ୍ତା ଯିବା ସହ ସଚେତନ ମଧ୍ୟ କରାଇଛି ଅସହାୟଙ୍କୁ ସାହାଯ୍ୟ ପାଇଁ । ପୁରୀ ବେଳାଭୂମିରେ ସବ୍ୟସାଚୀଙ୍କ ଏହି ମହାନ କାର୍ଯ୍ୟକୁ ବାଲୁକାକଳା ମାଧ୍ୟମରେ ପ୍ରଶଂସା କରିଛନ୍ତି ବିଶିଷ୍ଟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
