ପୁରୀ: ନୂଆବର୍ଷରେ ଜଗନ୍ନାଥ ଧାମରେ ଜମିଲା ଶ୍ରଦ୍ଧାଳୁଙ୍କ ଭିଡ । ବର୍ଷର ପ୍ରଥମଦିନ ମହାପ୍ରଭୁଙ୍କ ଦର୍ଶନରୁ ଆରମ୍ଭ କରିଛନ୍ତି ଲକ୍ଷଲକ୍ଷ ଶ୍ରଦ୍ଧାଳୁ । ଦିନ ସୁଦ୍ଧା 6 ଲକ୍ଷ ଶ୍ରଦ୍ଧାଳୁ ମହାପ୍ରଭୁଙ୍କ ଦର୍ଶନ କରିଥିବା ସୂଚନା ଦେଇଛି ପ୍ରଶାସନ । ଏପଟେ ସୁରକ୍ଷା ଦୃଷ୍ଟିରେ ରଖି ବ୍ୟାପକ ପୋଲିସ ପ୍ଲାଟୁନ ମୁତୟନ କରାଯାଇଥିଲା ।
ଯେଉଁଭଳି ଭାବେ ଶ୍ରଦ୍ଧାଳୁ ମାନେ ଦୀର୍ଘ ସମୟ ଅଟକି ରହି ଶୃଙ୍ଖଳାରେ ମହାପ୍ରଭୁଙ୍କ ଦର୍ଶନ କରିଥିଲେ ଏଥିପାଇଁ ସେମାନଙ୍କୁ ଜିଲ୍ଲାପାଳ ପ୍ରଶଂସା କରିଛନ୍ତି । ସେହିପରି ପୋଲିସ, ପ୍ରଶାସନିକ ଅଧିକାରୀ ଭିଡ ନିୟନ୍ତ୍ରଣ କରି ଦର୍ଶନ ବ୍ୟବସ୍ଥା ଶୃଙ୍ଖଳିତ କରିବା ସହ ଅନ୍ୟାନ୍ୟ ଆନୁସଙ୍ଗିକ ବ୍ୟବସ୍ଥା ସଫଳ କରାଇଥିବା କହିଥିଲେ ଜିଲ୍ଲପାଳ ।
ଅନ୍ୟପଟେ ନୂଆବର୍ଷ ପାଇଁ ମାର୍କେଟ ଛକରୁ ଶ୍ରୀମନ୍ଦିର ସିଂହଦ୍ବାର ପର୍ଯ୍ୟନ୍ତ ଦେଢ କିଲୋମିଟର ବ୍ୟାରିକେଡ ହୋଇଥିଲା । ପ୍ରଥମ ଥର ପାଇଁ ଏତେ ବଡ ବ୍ୟାରିକେଡ କରାଯାଇଥିଲା । ଏହାକୁ ଶ୍ରଦ୍ଧାଳୁମାନେ ସହଯୋଗ କରିଥିବା ଯୋଗୁଁ ସବୁ କିଛି ଭଲରେ ଅୟୋଜନ ହୋଇଥିବା ଜିଲ୍ଲାପାଳ କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
