ପୁରୀ: ଜିଲ୍ଲା ବଳିଆପଣ୍ଡା ଥାନା ପୋଲିସକୁ ସଫଳତା । ଡକାୟତି ଯୋଜନା କରୁଥିବାବେଳେ ଚାରି ଡକାୟତଙ୍କ କାବୁ କରିଛି ପୋଲିସ । ସେମାନଙ୍କଠାରୁ ବହୁ ମାରଣାସ୍ତ୍ର ଜବତ ହୋଇଛି ।
ପୁରୀର ବିକାଶମୂଳକ କାର୍ଯ୍ୟ ପାଇଁ ବିଭିନ୍ନ ଜିନିଷ ନେଇ ଆସୁଥିବା ଗାଡିମାନଙ୍କଠାରୁ ଏହି ଦୁର୍ବୃତ୍ତ ଡକାୟତି କରିବାକୁ ଯୋଜନା କରି ଆସୁଥିଲେ । ଘଟଣାର ଖବର ପାଇ ପୋଲିସ ଚଢାଉ କରିଥିଲା । ପୋଲିସର ଅଚାନକ ଚଢାଇରେ ଚାରି ଡକାୟତଙ୍କୁ କାବୁ କରିଛି । ସେମାନଙ୍କଠାକୁ ଅନେକ ମାରଣାସ୍ତ୍ର ଜବତ ହୋଇଛି ।
ପୋଲିସ ଚଢାଉ ସମୟରେ ଦୁଇଜଣ ଫେରାର ହୋଇଥିବା ଜଣାପଡିଛି । ଗରଫ ଚାରିଜଣ ହେଲେ ସୁବାସ ଚନ୍ଦ୍ର ମହାନ୍ତି ଓରଫ ଗିଲଟି କାଳୁ, ଜୀବନ ବାରିକ, ସୌମ୍ୟରଞ୍ଜନ ମଲ୍ଲିକ ଓ କାତି ଓରଫ ବରେନ୍ଦ୍ର ମହାରଣା । ସମଙ୍କୁ ଗିରଫ କରି କୋର୍ଟ ଚାଲାଣ କରିବା ସହିତ ଫେରାର ଦୁଇଜଣଙ୍କ ଧରିବାକୁ ତଦନ୍ତ ଜାରି ରଖିଛି ପୋଲିସ ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିିଭି ଭାରତ
