ପିପିଲିରେ ଦାଦାବଟି ମାଗିବା ଅଭିଯୋଗ, 3 ଗିରଫ

ପିପିଲିରେ ଦାଦାବଟି ମାଗିବାରୁ 3 ଜଣଙ୍କୁ ଗିରଫ କରିଛି ପିପିଲି ପୋଲିସ । ଅଧିକ ପଢନ୍ତୁ...

ପୁରୀ: ଦାଦାବଟି ମାଗିବା ଅଭିଯୋଗରେ 3 ଜଣଙ୍କୁ ଗିରଫ କରିଛି ପିପିଲି ପୋଲିସ । ଗିରଫ ଅଭିଯୁକ୍ତମାନେ ପିପିଲି ନିଜିଗଡ଼ର ଅମରେନ୍ଦ୍ର ପାତ୍ର, ରାଜେନ୍ଦ୍ର ପାତ୍ର ଏବଂ ଶ୍ରୀମନ୍ତ ସୁନ୍ଦର। ବୋଲି ଜଣାପଡିଛି ।

ପୋଲିସର ସୂଚନା ଅନୁଯାୟୀ ଭୁବନେଶ୍ବର ବରମୁଣ୍ଡାର ପ୍ରେମାନନ୍ଦ ଦାସ ପିପିଲି ନିଜିଗଡ଼ ଅଞ୍ଚଳରେ ତାଙ୍କ ଜାଗାରେ ଏକ ପାଚେରୀ ନିର୍ମାଣ କରୁଥିଲେ । ତେବେ ଅଭିଯୁକ୍ତମାନେ ତାଙ୍କୁ କାର୍ଯ୍ୟ ବନ୍ଦ କରିବା ପାଇଁ ଧମକ ଦେବା ସହ ଦାଦା ବଟି ମାଗିଥିଲେ । ଏ ନେଇ ଥାନାରେ ଅଭିଯୋଗ ପରେ ପୋଲିସ କାର୍ଯ୍ୟନୁଷ୍ଠାନ ନେଇ ଅଭିଯୁକ୍ତଙ୍କୁ ଗିରଫ କରିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ