ନୂଆପଡା:ଭରୁଆମୁଣ୍ଡା ଗ୍ରାମ ମାଁ ଦକ୍ଷିଣକାଳୀ କ୍ରିକେଟ କ୍ଲବ ଆନୁକୂଲ୍ୟରେ ସ୍ବର୍ଗୀୟ ଗୋବର୍ଦ୍ଧନ ମାଝୀ ମେମୋରିଆଲ ଗ୍ରାମୀଣ କ୍ରିକେଟ ଟୁର୍ଣ୍ଣାମେଣ୍ଟ ଆରମ୍ଭ ହୋଇଯାଇଛି । ସ୍ବର୍ଗୀୟ ଗୋବର୍ଦ୍ଧନ ମାଝୀ ଭରୁଆମୁଣ୍ଡା ଅଞ୍ଚଳର 9ଖଣ୍ଡ ଗାଁ ଝାଙ୍କର ଅଟନ୍ତି । ଅଧିଷ୍ଠାତ୍ରୀ ଦେବୀ ମା' ଦକ୍ଷିଣକାଳୀଙ୍କ ମୁଖ୍ୟ ପୂଜକ ଭାବରେ ସ୍ବର୍ଗୀୟ ମାଝୀ ଖ୍ୟାତି ଅର୍ଜନ କରିଛନ୍ତି । ସ୍ବର୍ଗୀୟ ମାଝୀଙ୍କ ସ୍ମୃତି ଉଦ୍ଦେଶ୍ୟରେ ଭରୁଆମୁଣ୍ଡା ଅଞ୍ଚଳବାସୀ ଆୟୋଜନ କରିଛନ୍ତି ଗ୍ରାମୀଣ କ୍ରିକେଟ ଟୁର୍ଣ୍ଣାମେଣ୍ଟ ।
ଆୟୋଜିତ ତୃତୀୟ ଦିବସ ମ୍ୟାଚରେ ମୁଖ୍ୟ ଅତିଥି ଭାବରେ ଖଡ଼ିଆଳ ବିଧାୟକ ଅଧିରାଜ ମୋହନ ପାଣିଗ୍ରାହୀ, ସମ୍ମାନିତ ଅତିଥିଭାବରେ ସ୍ଥାନୀୟ ସରପଞ୍ଚ ବିଦ୍ୟାଧର ବୋଡକିଆ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ଟୁର୍ଣ୍ଣାମେଣ୍ଟ ତୃତୀୟ ଦିବସ ମ୍ୟାଚ କଳାହାଣ୍ଡି ଜିଲ୍ଲା ଖାଲିଆକାନି ବନାମ ନୂଆପଡା ଜିଲ୍ଲା କାମପୁର ବିଏମସିସି ମଧ୍ୟରେ ଅନୁଷ୍ଠିତ ହୋଇଯାଇଛି । ପ୍ରଥମ ଇନିଂସରେ ନୂଆପଡା ଜିଲ୍ଲା କାମପୁର ଦଳ ବ୍ୟାଟିଂ କରି 12ଓଭରରେ 5 ଓ୍ବିକେଟ ବିନିମୟରେ 137 ସଂଗ୍ରହ କରିଥିଲା । ଏହାର ଜବାବରେ ଦ୍ଵିତୀୟ ଇନିଂସରେ କଳାହାଣ୍ଡି ଖାଲିଆକାନି କ୍ରିକେଟ ଦଳ 7 ଓଭରରେ ସମସ୍ତ ଉଇକେଟ ହରାଇ ମାତ୍ର 32 ରନ ସଂଗ୍ରହ କରି ନୂଆପଡା ଜ଼ିଲ୍ଲା କାମପୁର ଠାରୁ ପରାଜୟ ହୋଇଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
