ନୂଆପଡା: ଜିଲ୍ଲା ବୋଡେନ ବ୍ଳକ କରଲାକୋର୍ଟ ଗାଁରେ ଅଭାବନୀୟ ଘଟଣା ଦେଖାଦେଇଛି । ମଧ୍ୟ ରାତ୍ରିରେ ଝୁମ୍ପୁଡି ଘରକୁ ନିଆଁ ଲଗାଇ ଖସି ପଳାଇ ଯାଇଛି ଦୁର୍ବୁତ୍ତ । ବ୍ୟାପକ ସାମଗ୍ରୀ ପୋଡି ପାଉଁଶ, ବେସାହାରା ବୃଦ୍ଧା । ବୋଡେନ ଥାନାରେ ଅଭିଯୋଗ, ପୋଲିସର ତଦନ୍ତ ଆରମ୍ଭ ।
ଅସହାୟ ବୃଦ୍ଧାଙ୍କ ଝୁମ୍ପୁଡି ଘରେ ନିଆଁ ଲାଗାଇଲେ ଦୁର୍ବୃତ୍ତ
ସୂଚନା ମୁତାବକ ବୋଡେନ ବ୍ଳକ କରଲାକୋର୍ଟ ଗାଁର ବୃଦ୍ଧା ଧୋବେନ ବେହେରାଙ୍କ ଜମିବାଡ଼ି କିଛି ବି ନାହିଁ । କରଲାକୋର୍ଟ SBI ବ୍ୟାଙ୍କ ସମ୍ମୁଖ ସରକାରୀ ଜମି ଉପରେ ଏକ ଝୁପୁଡି ଘର କରି ଆଜକୁ 20 ବର୍ଷ ହେଲା ରହି ଆସୁଛନ୍ତି ଅସହାୟ ଧୋବେନ ବେହେରା । ସେଠାରେ କିଛି ଜଳଖିଆ ବିକ୍ରିକରି ପେଟ ଚଳାଉଥିଲା ବୃଦ୍ଧା ଧୋବେନ । ହେଲେ କେହି ଅଜଣା ଦୁର୍ବୁତ୍ତ ଝୁପୁଡି ଘର ଉପରେ ନିଆଁ ଲଗାଇ ଖସି ଯାଇଛି । ଘର ଦ୍ବାର କିଛି ବି ନଥିବା ବୃଦ୍ଧା ଧୋବେନ ଏବେ ବେସାହାରା । ଦୋଷୀ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ସହ କ୍ଷତି ପୁରାଣ ସହାୟତା ପାଇଁ ବୃଦ୍ଧାଙ୍କ ସାନ ପୁଅ ବିରେନ୍ଦ୍ର ବେହେରା ଦାବି କରିଛନ୍ତି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
