ନୂଆପଡା: କୋମନା ଥାନା ଅନ୍ତର୍ଗତ ୩୫୩ ଜାତୀୟ ରାଜପଥ କ୍ରିଷ୍ଣା ଛକ ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା । ଜଣେ ଶିଶୁ ସମେତ ୪ ଜଣଙ୍କର ମୃତ୍ୟୁ ଘଟିଥିବାବେଳେ ସେମାନଙ୍କ ପରିଚୟ ମିଳିପାରି ନାହିଁ । ଘଟଣାସ୍ଥଳରେ ଦମକଳ ବାହୀନି ଓ ପୋଲିସ ପହଞ୍ଚି ମୃତଦେହ ଗୁଡ଼ିକୁ ଜବତ କରିଛନ୍ତି ।
ସୂଚନା ଅନୁସାରେ ଛତିଶଗଡ଼ ପଟରୁ ଗୋପାଳପୁର ଅଭିମୁଖେ ଏକ ମାଲ ବୋଝେଇ ଟ୍ରକ ଦ୍ରୁତ ଗତିରେ ଯାଉଥିଲା । ବିପରୀତ ଦିଗରୁ ଏକ ମୋଟର ସାଇକେଲରେ 3 ଜଣ ବ୍ୟକ୍ତିଙ୍କ ସହିତ ଜଣେ ଶିଶୁ ଯାଉଥିଲେ । ଭାରସାମ୍ୟ ହରାଇ ଦ୍ରୁତଗାମୀ ଟ୍ରକରେ ଧକ୍କା ହେବାରୁ ଘଟଣା ସ୍ଥଳରେ ୩ ଜଣଙ୍କର ମୃତ୍ୟୁ ହୋଇଥିଲା । ଗୁରୁତର ଅବସ୍ଥାରେ ଶିଶୁକୁ ସ୍ଥାନୀୟ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲେ ମଧ୍ୟ ସେଠାରେ ତାର ମୃତ୍ୟୁ ହୋଇଛି ।
ଇଟିଭି ଭାରତ, ନୂଆପଡା
