ନୂଆପଡା: ଦୁର୍ଗମ ଅଞ୍ଚଳରେ ସ୍ବେଚ୍ଛାସେବୀ ସଂସ୍ଥା ପକ୍ଷରୁ ରାସନ ସାମଗ୍ରୀ ପ୍ରଦାନ । ଏକ୍ସସନଏଡ଼ ସହାୟତାରେ ଖଡ଼ିଆଳ ସ୍ଥିତ ସୋସିଆଲ ଆୱାରନେସ ଇଷ୍ଟିଚ୍ୟୁଟ ସାଇ ସ୍ବେଚ୍ଛାସେବୀ ସଂସ୍ଥା ପକ୍ଷରୁ ଗରିବ ଲୋକମାନଙ୍କୁ ରାସନ ସାମଗ୍ରୀ ପ୍ରଦାନ କରାଯାଇଛି ।
ନୂଆପଡା ଉପଜିଲ୍ଳାପାଳ ତରଣିସେନ ନାୟକ ସବୁଜ ପତାକା ଦେଖାଇ ରାସନ ଭ୍ୟାନକୁ ଶୁଭ ଉଦଘାଟନ କରିଛନ୍ତି । ରାସନ ଭ୍ୟାନ ଦୁର୍ଗମ ମାଓବାଦୀ ପ୍ରବଣ ମାରାଗୁଡା ଗାଁକୁ ଯାଇ ସେଠାରେ ଗରିବ ଲୋକମାନଙ୍କୁ ରାସନ ପ୍ରଦାନ କରିଛି । ଯେଉଁଥିରେ ଚାଉଳ,ଡାଲି,ତେଲ,ଲୁଣ,ହଳଦୀ ଲଙ୍କା ଗୁଣ୍ଡ ସହ ସାବୁନ ବଣ୍ଟନ କରିଛନ୍ତି । ଲକଡାଉନ କାରଣ ଯୋଗୁଁ ପଲ୍ଲୀ ଠାରୁ ଦିଲ୍ଲୀ ସବୁଠାରେ ଗାଡିମୋଟର,ଦୋକାନ ବଜାର ବନ୍ଦ ରହିଛି । ଗ୍ରାମାଞ୍ଚଳରେ ହେଉଥିବା ସରକାରୀ କାମ ମଧ୍ୟ ବନ୍ଦ ରହିଛି । ଯାହାର ପ୍ରଭାବ ଦିନ ମଜୁରିଆ ଉପରେ ପଡିଛି । ଏଭଳି ସ୍ଥଳେ ଏକ୍ସନଏଡ଼ ସହାୟତାରେ ସାଇ ସ୍ବେଚ୍ଛାସେବୀ ସଂସ୍ଥାର ସ୍ବେଛାସେବୀ ଜିତେନ୍ଦ୍ର ନାଥ ପଟ୍ଟନାୟକଙ୍କ ନେତୃତ୍ବରେ ମାରାଗୁଡା ଗାଁ ଠାରେ ରାସନ ବଣ୍ଟନ କରାଯାଇଛି ।
ନୂଆପଡାରୁ ମୋତିଲାଲ ବାଗ,ଇଟିଭି ଭାରତ
