ନୂଆପଡା: ପରିତ୍ୟକ୍ତ ପୋଖରୀରୁ ବ୍ୟକ୍ତିଙ୍କ ମୃତଦେହ ଉଦ୍ଧାର। ନୂଆପଡା ଜ଼ିଲ୍ଲା ମାଖାପଦର ଗ୍ରାମପଞ୍ଚାୟତ ଯୋଗି ବାହାଲ ଗାଁରେ ଦେଖାଦେଇଛି ଅଭାବନୀୟ ଘଟଣା ।
ନିଖୋଜ ପରେ ପୋଖରୀରୁ ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
ସୂଚନା ମତେ ଯୋଗିବାହାଲ ଗାଁର ଶୋଭାରାମ ଭୋଇ ଗତ ଶନିବାର ଦିନଠାରୁ ନିଖୋଜ ଥିଲେ । ନିଖୋଜ ଘଟଣାକୁ ନେଇ ଶୋଭାରାମଙ୍କ ସ୍ତ୍ରୀ ବାଳିକା ଭୋଇ ସିନାପାଲି ଥାନାରେ ଅଭିଯୋଗ ମଧ୍ୟ କରିଛନ୍ତି ।
ହଠାତ ଆଜି ଗାଁ ନିକଟସ୍ଥ ଏକ ପରିତ୍ୟକ୍ତ ପୋଖରୀରୁ ଶୋଭାରାମଙ୍କ ମୃତଦେହ ପାଣିରେ ଭାସୁଥିବା ଗାଁଲୋକେ ଦେଖିବାକୁ ପାଇଥିଲେ । ଖବର ପାଇ ସିନାପାଲି ପୋଲିସ ଏବଂ ଦମକଳ ବାହିନୀ ଘଟଣା ସ୍ଥଳକୁ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି ।
ଅପରପକ୍ଷେ ମୃତ ଶୋଭାରାମଙ୍କ ସ୍ତ୍ରୀ ଏହାଏକ ହତ୍ୟାକାଣ୍ଡ ବୋଲି ଅଭିଯୋଗ କରୁଥିବା ବେଳେ,ବ୍ୟବଚ୍ଛେଦ ରିପୋଟ ଆସିବା ପରେ ସତ୍ୟାସତ୍ୟ ଜଣାପଡିବ ବୋଲି ସିନାପାଲି ପୋଲିସ ସୂଚନା ଦେଇଛି ।
ନୂଆପଡାରୁ ମୋତିଲାଲ ବାଗ,ଇଟିଭି ଭାରତ
