ନୂଆପଡା: ନୂଆପଡା ଜିଲ୍ଲା 2 ନମ୍ବର ଜିଲ୍ଲା ପରିଷଦ ଜୋନ ସମେତ ଜିଲ୍ଲାର 3 ଗୋଟି ଗ୍ରାମ ପଞ୍ଚାୟତରେ ଆଜି ସକାଳ 7 ଟା ରୁ ଭୋଟ ଗ୍ରହଣ ଆରମ୍ଭ ହୋଇଯାଇଛି । ଜିଲ୍ଲା ନିର୍ବାଚନ ଅଧିକାରୀଙ୍କ ନିର୍ଦ୍ଦେଶ ମୁତାବକ କୋଭିଡ ନିୟମକୁ କଡାକଡି ପାଳନ କରାଯାଇଥିବା ବେଳେ କଡା ସୁରକ୍ଷାବଳରେ ଭୋଟ ଗ୍ରହଣ ହୋଇଯାଇଛି ।
ଜିଲ୍ଲା ପରିଷଦ ଜୋନ 2ରେ ବିଜୁ ଜନତା ଦଳ ପ୍ରାର୍ଥୀ ଅବନୀ ରଞ୍ଜନ ଯୋଶୀ, କଂଗ୍ରେସ ପ୍ରାର୍ଥୀ କାଞ୍ଚନ ଶବର ଏବଂ ବିଜେପି ପ୍ରାର୍ଥୀ ଗୌରୀଶଙ୍କର ପଣ୍ଡା ମଧ୍ୟରେ କଡା ଟକ୍କର ଥିବା ଜଣାପଡିଛି । ସେହିଭଳି ସିନାପାଲି ଗ୍ରାମପଞ୍ଚାୟତ ସରପଞ୍ଚ, କାଣ୍ଡେତରା ସେମିତି ସଭ୍ୟ, ରାନିମୁଣ୍ଡା ସମିତି ସଭ୍ୟ ପଦବୀ ପାଇଁ ପ୍ରାର୍ଥୀ ମାନେ ପ୍ରତିଦ୍ବନ୍ଦିତା କରୁଛନ୍ତି ।
ଆୟୋଜିତ ସାନି ନିର୍ବାଚନରେ ଜିଲ୍ଲାବ୍ୟାପୀ 172 ଗୋଟି ବୁଥ ଥିବାବେଳେ, 41 ସମ୍ବେଦନଶୀଳ ଏବଂ 3 ଗୋଟି ମାଓ ପ୍ରବଣ ବୁଥ୍ ଥିବା ଜଣାପଡିଛି । ନିର୍ବାଚନ ପରିଚାଳନା ପାଇଁ 600 କର୍ମଚାରୀ ନିୟୋଜିତ ରହିଛନ୍ତି । ନିର୍ବାଚନ ଭୋଟ ଗ୍ରହଣ 12 ଘଣ୍ଟା ସମୟରେ ଶେଷ ହେବାକୁ ଥିବାବେଳେ, ହାତୀ କାହାମୁଣ୍ଡରେ କଳସ ଢାଳିବ ତାହା ଭୋଟ ଗଣତି ଶେଷ ପରେ ଜଣାପଡିବ ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
