ନୂଆପଡା: କୋରୋନା ମୁକାବିଲା ପାଇଁ କେନ୍ଦ୍ର ସରକାରଙ୍କ ଠାରୁ ଆରମ୍ଭ କରି ରାଜ୍ୟ ସରକାର ପର୍ଯ୍ୟନ୍ତ ସମସ୍ତେ ଲୋକଙ୍କୁ ସଚେତନ କରାଇବାରେ ଲାଗିଛନ୍ତି । ତେବେ ଏନେଇ ନୂଆପଡା ଜ଼ିଲ୍ଲା ଖଡ଼ିଆଳ ବ୍ଲକ ନେହେନା ଗ୍ରାମରେ ଅନୁଷ୍ଠିତ ହୋଇଯାଇଛି କୋଭିଡ-19 ଜନସଚେତନତା କାର୍ଯ୍ୟକ୍ରମ । ଖଡ଼ିଆଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ଆଦିତ୍ୟ କୁମାର ଯୋଶୀଙ୍କ ନେତୃତ୍ୱରେ ଜନସଚେତନତା ପଦକ୍ଷେପ ଗ୍ରହଣ କରାଯାଇଛି ।
କୋରୋନା ମୁକାବିଲା: ନୂଆପଡାରେ ଅନୁଷ୍ଠିତ ହେଲା ଜନସଚେତନତା କାର୍ଯ୍ୟକ୍ରମ
ଏହି ଅବସରରେ ନେହେନା ଗ୍ରାମର ସମସ୍ତ ଅଙ୍ଗନବାଡ଼ି କର୍ମୀ, ଆଶାକର୍ମୀ, ମହିଳା ପୁରୁଷ ସ୍ୱାସ୍ଥ୍ୟ ସେବକ ଏବଂ ଗାଁର ସ୍ବେଛାସେବୀ ସାମିଲ ଥିଲେ । ଘର ଘର ବୁଲିବା ସମୟରେ ଲୋକଙ୍କୁ ତାଗିତ କରିବାସହ ଘଣ୍ଟ ଶଙ୍ଖ ଥାଳିଆ ବଜାଇ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରାଯାଇଛି । ଡାକ୍ତର ଆଦିତ୍ୟ କୁମାର ଯୋଶୀଙ୍କ ଏଭଳି ପଦକ୍ଷେପକୁ ବୁଦ୍ଧିଜୀବୀ ମହଲରେ ପ୍ରଶଂସା କରିଛନ୍ତି।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
