ନୂଆପଡା: କୋମନା ବ୍ଲକ ଅନ୍ତର୍ଗତ ପଏର ଗ୍ରାମରେ ଝାଡାବାନ୍ତି ବ୍ୟାପିବାରେ ଲାଗିଛି । ଏଥିରେ ପ୍ରାୟ ଗ୍ରାମର 25ରୁ ଊର୍ଦ୍ଧ୍ବ ଲୋକେ ଆକ୍ରାନ୍ତ ହୋଇସାରିଲେଣି । ସମସ୍ତ ଆକ୍ରାନ୍ତଙ୍କୁ ଚିକିତ୍ସା ପାଇଁ କୋମନା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
ଦଶାହ ଭଜି ଖାଇ 25 ଝାଡାବାନ୍ତିରେ ଆକ୍ରନ୍ତ
ମିଳିଥିବା ସୂଚନା ଅନୁସାରେ ଗତ କିଛିଦିନ ପୂର୍ବେ ପଏର ଗ୍ରାମର ଚୈତନ୍ୟ ବନଗୋଲାଙ୍କ ଦେହାନ୍ତ ହୋଇଥିଲା । ଆଜି ସାମାଜିକ ଶୁଦ୍ଧି କ୍ରିୟା କରି ଗାଁ ଲୋକେ ଦଶାହ ଭୋଜି ଖାଇଥିଲେ । ଦଶାହ ଭୋଜି ଭାତ ଖାଇବା କାରଣରୁ ଏଭଳି ଝାଡା ବାନ୍ତି ବ୍ୟାପିଥିବା ଗାଁ ଲୋକେ କହିଛନ୍ତି । ଆକ୍ରାନ୍ତ ଲୋକମାନଙ୍କୁ କୋମନା ସ୍ବାସ୍ଥ୍ୟ ବିଭାଗ ଚିକିତ୍ସା ସେବା ଯୋଗାଇ ଦିଆଯାଉଥିବା ଜଣାପଡିଛି।
ନୂଆପଡରୁ ମୋତିଲାଲ ବାଗ, ଇଟିଭି ଭାରତ
