ନୟାଗଡ: ପରୀ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ସରୋଜ ସେଠୀର ନାର୍କୋ ଆନାଲିସିସ ଟେଷ୍ଟ ଆବେଦନ ଉପରେ ଆଜି ଶୁଣାଣି କରିବେ କୋର୍ଟ । ସୋମବାର ସରୋଜର ନାର୍କୋ ଟେଷ୍ଟ ଦାବି ଏସଆଇଟି ପୋକ୍ସୋ କୋର୍ଟରେ ଆବେଦନ କରିଥିଲା। ଏହି ଆବେଦନ ଉପରେ ଆଜି ଶୁଣାଣି କରିବେ କୋର୍ଟ । ସେପଟେ କୋର୍ଟରେ ସରୋଜ ନିଜକୁ ନିର୍ଦ୍ଦୋଷ କହିବା ସହ ତାକୁ ମାଡ ମାରି ଫସାଇ ଦିଆଯାଇଥିବା କହିଛି । ସେ ଏହି ଘଟଣା ବିଷୟରେ କିଛି ଜାଣି ନାହିଁ ବୋଲି ସରୋଜ କହିଛି ।
ସେପଟେ, ସରୋଜ ସାବାଳକ ନୁହେଁ, ନାବାଳକ । ଏସଆଇଟି ମିଛିରେ ସାବାଳକ କହି ସରୋଜକୁ ଫସାଇ ଦେବାକୁ ଚେଷ୍ଟା କରାଯାଉଥିବା ସରୋଜର ଓକିଲ କୋର୍ଟରେ ପ୍ରମାଣପତ୍ର ଦାଖଲ କରିଛନ୍ତି । ସରୋଜର ଜନ୍ମପତ୍ର ଓ ମାଟ୍ରିକ ସାର୍ଟିଫିକେଟ ଅନୁସାରେ ତାକୁ 17 ବର୍ଷ ହୋଇଛି । ଏସଆଇଟି ତାକୁ କିଭଳି ଜେଲକୁ ପଠାଇଲେ ସେନେଇ ସରୋଜଙ୍କ ଓକିଲ ନିଜର ଯୁକ୍ତି ବାଢିଛନ୍ତି ।
କୋର୍ଟ ଏହି ପ୍ରମାଣପତ୍ରକୁ ବିଚାରକୁ ନେବା ସହ ଆଜି ଏହାର ଶୁଣାଣି କରିବେ ବୋଲି କୋର୍ଟ ଧାର୍ଯ୍ୟ କରିଛନ୍ତି । ଏଥିପାଇଁ କୋର୍ଟରେ ସରୋଜଙ୍କ ମାଆଙ୍କୁ ହାଜର ହେବାକୁ ପଡିବ । ସରୋଜକୁ ନାବାଳକ ବୋଲି ପ୍ରମାଣ ଦେବେ ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
