ନୟାଗଡ଼: ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ଗଡବାଣି କିଲୋ ଗ୍ରାମପଞ୍ଚାୟତରେ କେନ୍ଦ୍ର ସରକାରଙ୍କ ସ୍ୱଚ୍ଛ ଭାରତ ମିଶନ ସମ୍ପୁର୍ଣ୍ଣ ଭାବେ ଫେଲ ମାରିଥିବା ଅଭିଯୋଗ ହୋଇଛି ।
ସରପଞ୍ଚଙ୍କ ଗ୍ରାମରେ ଫେଲ ସ୍ଵଚ୍ଛ ଭାରତ ମିଶନ
ଏହି ପଞ୍ଚାୟତ ଅଧୀନରେ ରହିଛି ସାନ ପଥୁରିଆ ଆଦିବାସୀ ସାହି ଯାହା, ଗଡ ବାଣିକିଲୋ ଗ୍ରାମ ପଞ୍ଚାୟତ ସରପଞ୍ଚଙ୍କ ନିଜସ୍ୱ ଗ୍ରାମ ଅଟେ । ଏହି ଗ୍ରାମରେ କେନ୍ଦ୍ର ସରକାରଙ୍କ ସ୍ଵଛ ଭାରତ ମିଶନ ସମ୍ପୂର୍ଣ୍ଣ ଫେଲ ମାରିଛି l ଠିକାଦାର-ପ୍ରସାଶନିକ ଅଧିକାରୀଙ୍କ ମଧୁ ଚନ୍ଦ୍ରିକା ପାଇଖାନା ଏବେ ବ୍ୟବହାର ଅନୁପଯୋଗୀ ହୋଇଛି । ପାଇଖାନାକୁ ଅଧପନ୍ତରିଆ ଭାବେ କାମ ବିଲ୍ ଉଠାଯାଇଥିବା ଅଭିଯୋଗ ହୋଇଛି l ଯାହା ଫଳରେ ପାଇଖାନା ଗୁଡିକ ଲୋକ ମାନଙ୍କ ବ୍ୟବହାର ଉପଯୋଗୀ ହେଉ ନାହିଁ । ଗାଁକୁ ନାମକୁ ମାତ୍ର ବାହ୍ୟମଳ ମୁକ୍ତ ଗାଁ ଭାବେ ଘୋଷଣା କରାଯାଇଛି । ପାଇଖାନା ନିର୍ମାଣ ଅନିୟମିତତା ହୋଇଥିବାରୁ ଏହାର ତଦନ୍ତ କରିବାକୁ ଦାବୀ କରିଛନ୍ତି ଗ୍ରାମବାସୀ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
