ନୟାଗଡ଼ : ମୁଗୁନି ପଥର ବୋଝେଇ ଟ୍ରକ ଜବତ କଲା ଚାନ୍ଦପୁର ପୋଲିସ । ଟାଙ୍ଗୀରୁ ଖୋର୍ଦ୍ଧା ଚୋରା ଚାଲାଣ ବେଳେ ପୋଲିସ 4 ଟି ମେଟାଲ ବୋଝେଇ ହାଇୱା ଜବତ କରିଛି ।
ଚାନ୍ଦପୁର ଥାନା ଅଞ୍ଚଳରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଖଣି ମାଫିଆ ଦୌରାତ୍ମ୍ୟ l ଦିନ ଦ୍ବିପ୍ରହରରେ ପଥର ଚୋରା ଚାଲାଣ କରାଯାଉଛି l ପଥର ଚୋରା ଚାଲାଣ ରୋକିବାକୁ ଚାନ୍ଦପୁର ଥାନା ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଉଛି l ୧୬ ନଂ ଜାତୀୟ ରାଜପଥରେ ଟାଙ୍ଗୀ ଚାନ୍ଦପୁର ବାଇପାସ୍ ନିକଟରେ ଚାନ୍ଦପୁର ପୋଲିସ୍ ଚଢାଉ କରି ୪ ମେଟାଲ ବୋଝେଇ ହାଇୱା ଜବତ କରିଛି l ଏହି ଗାଡି ଗୁଡିକରେ ମେଟାଲ ବୋଝେଇ କରି ଟାଙ୍ଗୀରୁ ଖୋର୍ଦ୍ଧା ଚାଲାଣ କରାଯାଉଛି l ଏହି ଚଢାଉ ଆଗକୁ ଆହୁରି ଜୋରଦାର କରାଯିବ ବୋଲି ପୋଲିସ ସୂତ୍ରରୁ ଜଣାପଡ଼ିଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
