ଚିନିକଳ ସିକ୍ୟୁରିଟି ଗାର୍ଡ କୋର୍ଟ ଚାଲାଣ, ଚୋରି ଅଭିଯୋଗରେ ହୋଇଥିଲେ ଗିରଫ

ଚିନିକଳର ସିକ୍ୟୁରିଟି ଗାର୍ଡଙ୍କୁ କରାଗଲା କୋର୍ଟ ଚାଲାଣ । ଚୋରି ଅଭିଯୋଗରେ ହୋଇଥିଲେ ଗିରଫ । ଅଧିକ ପଢନ୍ତୁ....

ନୟାଗଡ଼: ଚିନିକଳର ସିକ୍ୟୁରିଟି ଗାର୍ଡଙ୍କୁ କରାଗଲା କୋର୍ଟ ଚାଲାଣ । ଏହାସହ ତାଙ୍କ ଘରୁ ଚିନିକଳର କିଛି ଯନ୍ତ୍ରାଂଶକୁ ଜବତ କରିଛି ପୋଲିସ । ସୂଚନା ଅନୁସାରେ, ନୟାଗଡ଼ ପାଣିକୋଇଲି ଚିନିକଳରେ ଦିର୍ଘ ଦିନ ଧରି ଚୋରି ହୋଇ ଆସୁଥିଲା ।

ସୁରକ୍ଷା ଦାୟିତ୍ବରେ ଥିବା ଜଣେ ସିକ୍ୟୁରିଟି ଗାର୍ଡଙ୍କୁ ସନ୍ଦେହ ଘେରକୁ ଆସିଥିଲେ । ତେବେ, ପୋଲିସ ଚଢାଉ କରି ତାଙ୍କ ଘରେ ଚୋରି ହୋଇଥିବା ଯନ୍ତ୍ରାଂଶ ଥିବା ଦେଖିବାକୁ ପାଇଥିଲା । ପରେ ତାଙ୍କୁ ଗିରଫ କରାଯାଇ କୋର୍ଟ ଚାଲଣ କରାଯାଇଛି । ଗିରଫ ସିକ୍ୟୁରିଟ ଗାର୍ଡ ଜଣକ ଶରଧାପୁରର ଅରୁଣ କୁମାର ସାହୁ ବୋଲି ଜଣାପଡିଛି ।

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ