ନୟାଗଡ଼: ମିନିଟ୍ରକ ଧକ୍କାରେ ବୃଦ୍ଧ ମୃତ । ନୟାଗଡ ଜ଼ିଲ୍ଲା ରଣପୁର ବ୍ଲକ ଲୋଧାଚୁଆ ପଞ୍ଚାୟତ ଅଫିସ ସମ୍ମୁଖରେ ଏକ ମିନିଟ୍ରକ ଧକ୍କାରେ ଜଣେ ବୃଦ୍ଧଙ୍କର ମୃତ୍ୟୁ ଘଟିଛି l ବୃଦ୍ଧ ଜଣଙ୍କ ହେଲେ ବଗଲ ଗ୍ରାମର 70ବର୍ଷୀୟ ହରିହର ପ୍ରଧାନ l
ଲୋଧାଚୁଆ ପଞ୍ଚାୟତ ଅଫିସରୁ ରାସନ ସାମଗ୍ରୀ ନେଇ ରାସ୍ତା ପାର ହେଉଥିବା ବେଳେ ରାଜସୁନାଖଳାରୁ ରଣପୁର ଆଡ଼କୁ ଆସୁଥିବା ଏକ ବିଦେଶୀ ମଦ ବୋଝେଇ ମିନି ଟ୍ରକ ହରିହରଙ୍କୁ ସମ୍ମୁଖ ପଟୁ ଧକ୍କା ଦେଇଥିଲା l ଫଳରେ ବୃଦ୍ଧ ଜଣଙ୍କ ଗୁରୁତର ଆହତ ହୋଇଥିଲେ l ସେଠାରେ ଉପସ୍ଥିତ ଥିବା ଲୋକେ ବୃଦ୍ଧଙ୍କୁ ନିକଟସ୍ଥ ରଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ ।
କିନ୍ତୁ ବୃଦ୍ଧଙ୍କର ସ୍ୱାସ୍ଥ୍ୟବସ୍ଥା ଜଟିଳ ହେବାରୁ ତାଙ୍କୁ ଖୋର୍ଦ୍ଧା ମେଡିକାଲକୁ ସ୍ଥାନାନ୍ତର କରାଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ଘଟିଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
