ନୟାଗଡ଼: ଏବେ ଲୋକଙ୍କ ମୁଣ୍ଡବିନ୍ଧାର କାରଣ ପାଲଟିଛି ପେଟ୍ରୋଲ ଓ ଡିଜେଲର ଦର ବୃଦ୍ଧି । ସାଧାରଣ ଲୋକେ ଏଥିରେ ନାହିଁ ନଥିବା ହଇରାଣ ହେଉଛନ୍ତି । ଆଉ ଏହାର ପ୍ରତିବାଦ କରିବ ନୟାଗଡ଼ କଂଗ୍ରେସ । ପ୍ରତ୍ୟେକ ପେଟ୍ରୋଲ ପମ୍ପ ନିକଟରେ ଶାନ୍ତିପୂର୍ଣ୍ଣ ଧାରଣା ଦେବ ।
ରାଜ୍ୟ କଂଗ୍ରେସର ଆହ୍ୱାନ କ୍ରମେ ଆସନ୍ତାକାଲି ଅର୍ଥାତ ଜୁନ ୧୧ ପୂର୍ବାହ୍ନରେ ଜିଲ୍ଲା/ବ୍ଲକ ସଦର ମହକୁମାରେ ଥିବା ପ୍ରତ୍ୟେକ ପେଟ୍ରୋଲ ପମ୍ପରେ ୨ ଘଣ୍ଟିଆ ବିକ୍ଷୋଭ ଏବଂ ଧାରଣା ଦିଆଯିବ । ଜିଲ୍ଲାର ସମସ୍ତ ବ୍ଲକ କଂଗ୍ରେସ ସଭାପତିଙ୍କ ଉପସ୍ଥିତିରେ ଏହି ବିକ୍ଷୋଭ କାର୍ଯ୍ୟକ୍ରମ କରାଯିବ ବୋଲି କଂଗ୍ରେସ ତରଫରୁ କୁହାଯାଇଛି । ତେବେ କୋଭିଡ଼ ଗାଇଡ଼ଲାଇନ ପାଳନ କରି ଧାରଣା ଦିଆଯିବା ନେଇ ସୂଚନା ମିଳିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
