ନୟାଗଡ଼: ଦଶପଲ୍ଲା ପୋଲିସକୁ ସଫଳତା । ପୋଲିସକୁ ଚକମା ଦେଇ ଫେରାର ଥିବା ମୋଷ୍ଟ ୱାଣ୍ଟେଡ ବିକାଶକୁ ବାନ୍ଧିଛି ପୋଲିସ । ବିକାଶକୁ ବିଳମ୍ବିତ ରାତିରେ ଗିରଫ କରାଯାଇ ଚିକିତ୍ସା ପାଇଁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଜଣେ ପଞ୍ଚାୟତ ନିର୍ବାଚନରେ ଲଢିବାକୁ ଥିବା ପ୍ରାର୍ଥୀଙ୍କୁ ଗାଳିଗୁଲଜ କରିଥିଲା ବିକାଶ ।
ସୂଚନା ଥାଉକି, ପଞ୍ଚାୟତ ନିର୍ବାଚନରେ ଲଢିବାକୁ ଥିବା ଜଣେ ଆଶାୟୀ ପ୍ରାର୍ଥୀଙ୍କୁ ଫୋନରେ ଗାଳି ଗୁଲଜ କରିଥିଲା ବିକାଶ । ପରେ ତାଙ୍କୁ ଦେଖା କରିବା ପାଇଁ ମଧ୍ୟ ଡାକିଥିଲା । ଏହି ସମୟରେ ବିକାଶକୁ କାବୁ କରି ମାଡ ମାରିଥିଲେ ସ୍ଥାନୀୟଲୋକେ । ପରେ ଘଟଣାସ୍ଥଳରେ ପୋଲିସ ପହଞ୍ଚି ବିକାଶକୁ ଗିରଫ କରିଥିଲା । ବିକାଶର ଅବସ୍ଥା ଖରାପ ଥିବାରୁ ତାଙ୍କୁ ଉଦ୍ଧାର କରି ପୋଲିସ ମେଡିକାଲରେ ଭର୍ତ୍ତି କରିଥିଲା ।
ସେପଟେ ଦୀର୍ଘଦିନ ଧରି ସେ ପୋଲିସ ଆଖିରେ ଧୂଳି ଦେଇ ଫେରାର ଥିଲା ବିକାଶ । ତା ନାଁ ଦଶପଲ୍ଲା, ଖୋର୍ଦ୍ଧା ଓ କାନପୁର ଥାନାରେ ଡକାୟତି ଓ ଲୁଟ ଭଳି ମାମଲା ରହିଛି । ଏହାସହ ମଧ୍ୟ ଖଣ୍ଡ ଭିଏଲଡବ୍ଲୁଙ୍କୁ ଗୁଳି କରିବା ଏବଂ ଖୋର୍ଦ୍ଧା ଜେଲରୁ ଖସି ଆସିବା ଭଳି ସଙ୍ଗୀନ ଅଭିଯୋଗ ମଧ୍ୟ ରହିଛି । ପୋଲିସ ତାଲିକାରେ ବିକାଶ ଏକ ମୋଷ୍ଟ ୱାଣ୍ଟେଡ ଅପରାଧୀ ଥିଲା ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
