ନୟାଗଡ଼: ଗଣିଆ-କଣ୍ଟିଲୋ ରାସ୍ତାରେ ଡକାୟତି, ଲୁଟିନେଲେ 60 ହଜାର । ନୟାଗଡ଼ ଜିଲ୍ଲା କଣ୍ଟିଲୋ ଫାଣ୍ଡି ଅଧୀନସ୍ଥ ଘାଣାସାଳିଆ ବାଙ୍କ ମୁଣ୍ଡିଆ ନିକଟରେ ଜିଓ କର୍ମଚାରୀଙ୍କୁ ମରଣାତ୍ମକ ଆକ୍ରମଣ କରି ଦୃବୃର୍ତ୍ତ ମାନେ ୬୦ ହଜାରରୁ ଅଧିକ ଟଙ୍କା ଲୁଟିନେଇଛନ୍ତି ।
ସୂଚନାଅନୁଯାୟୀ ନୟାଗଡ ଜିଲ୍ଲା ଗଣିଆ ବ୍ଲକ ବେଲପଡ଼ା ଗ୍ରାମପଞ୍ଚାୟତ ବିଜୟନଗର ଗ୍ରାମର କାମାକ୍ଷ ପ୍ରସାଦ ରାଉତ (୨୪) ସବୁଦିନ ଭଳି ଗଣିଆରୁ ବାହାରି ଜିଓ କମ୍ପାନୀ ତରଫରୁ କଲେକ୍ସନ କରିବା ପାଇଁ ଯାଇଥିଲେ l ଦିନ 11 ଟାରେ କଣ୍ଟିଲୋରୁ ଟଙ୍କା ଧରି ଆସୁଥିବାବେଳେ ବାଙ୍କମୁଣ୍ଡିଆ ନିକଟରେ କାମାକ୍ଷଙ୍କୁ ଅଟକାଇ ପାଖରେ ଥିବା ପାହାଡ଼ ପାଖକୁ ନେଇଯାଇଥିଲେ l ସେଠାରେ ତାଙ୍କମୁଣ୍ଡକୁ ଗଭୀର ଆଘାତ କରିବା ସହ ମାଡ଼ ମାରିଥିଲେ l ତାଙ୍କ ପାଖରେ ଥିବା ଟଙ୍କା ନେଇ ଦୁର୍ବୁତ୍ତମାନେ କାମାକ୍ଷଙ୍କୁ ମୁର୍ମୁଷୁ ଅବସ୍ଥାରେ ଫିଙ୍ଗିଦେଇ ଚାଲିଯାଇଥିଲେ l କାମାକ୍ଷଙ୍କର ହୋସ ଆସିଲା ପରେ ସେ ତାଙ୍କ ମାଲିକଙ୍କୁ ଫୋନ କରିଥିଲେ l ମାଲିକ ସେଠାରେ ପହଁଞ୍ଚି ମୁର୍ମୁଷୁ ଅବସ୍ଥାରେ ତାଙ୍କୁ ଗଣିଆ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ l
ସେଠାରେ ତାଙ୍କର ଅବସ୍ଥା ସଙ୍କଟାପନ୍ନ ହେବାରୁ ତୁରନ୍ତ ନୟାଗଡ଼ ମୁଖ୍ୟ ଚିକିତ୍ସାଲୟକୁ ସ୍ଥାନାନ୍ତରିତ କରିଥିଲେ l ଗଣିଆରେ ଆମ୍ବୁଲାନ୍ସ ନ ରହି ଆଡ଼କଟା ଠାରେ ରହୁଥିବାରୁ ଅମୁଲାନ୍ସ ଏକଘଣ୍ଟା ପର୍ଯ୍ୟନ୍ତ ଆସିନଥିବାରୁ ଲୋକଙ୍କ ଭିତରେ ଚାପା ଉତ୍ତେଜନା ସୃଷ୍ଟି ହୋଇଥିଲା l
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
