ନୟାଗଡ: ଖୋର୍ଦ୍ଧା-ବଲାଙ୍ଗୀର ରେଲୱେ ପ୍ରକଳ୍ପରେ ବିସ୍ଥାପିତ ପରିବାରଙ୍କୁ କ୍ଷତିପୂରଣ ସହ ଥଇଥାନ ଦାବି । ଏନେଇ ଆଜି(ବୁଧବାର) ନୟାଗଡ଼ ଜିଲ୍ଲାପାଳଙ୍କୁ ଭେଟି ଦାବି ଜଣାଇଛନ୍ତି ଦଶପଲ୍ଲା କୁଳୁରୁକୁମ୍ପା ପଞ୍ଚାୟତର ୫ ଆଦିବାସୀ ପରିବାର ।
ଥଇଥାନ ଦାବିରେ ଜିଲ୍ଲାପାଳଙ୍କୁ ଭେଟିଲେ ଖୋର୍ଦ୍ଧା-ବଲାଙ୍ଗୀର ରେଳ ପ୍ରକଳ୍ପ ବିସ୍ଥାପିତ
ରେଳ ପ୍ରକଳ୍ପ ପାଇଁ ବିସ୍ଥାପନ ହେବାକୁ ଯାଉଥିବା ସ୍ଥାନରେ ଦିର୍ଘ ଦିନ ଧରି ସ୍ଥାୟୀ ବାସୀନ୍ଦା ଭାବେ ଘର କରି ରହିଥିବାରୁ ସରକାର ବିସ୍ଥାପିତ ପରିବାରଙ୍କୁ ତୁରନ୍ତ କ୍ଷତି ପୂରଣ ଦେବାକୁ ଦାବି ହୋଇଛି । ଆଦିବାସୀମାନେ ଏଥିପାଇଁ ବହୁ ହଇରାଣ ହରକତ ହେଉଛନ୍ତି । ଏନେଇ ସ୍ଥାନୀୟ ଦଶପଲ୍ଲା ତହସିଲଦାରଙ୍କୁ ଅଭିଯୋଗ ପରେ ବି କୌଣସି ସୁଫଳ ମିଳୁନଥିବାରୁ ବିସ୍ଥାପିତ ଗ୍ରାମବାସୀ ନୟାଗଡ଼ ଜିଲ୍ଲାପାଳଙ୍କୁ ଭେଟି ଏହି ଦାବିପତ୍ର ପ୍ରଦାନ କରିଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
