ନୟାଗଡ଼: ବସ ଧକ୍କାରେ ବାଇକ ଆରୋହୀ ଆଇଆରବି(IRB )ଯବାନଙ୍କ ମୃତ୍ୟୁ ଘଟିଛି । ମୃତକ ଜଣକ ହେଲେ ପୁରୀ ଜିଲ୍ଲା ବ୍ରହ୍ମଗିରି ଥାନା ଅଞ୍ଚଳର ଅଶୋକ କୁମାର ପ୍ରଧାନ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ବସ ଧକ୍କାରେ ଆଖିବୁଜିଲେ IRB ଯବାନ
ସୂଚନା ଅନୁସାରେ, ଖୋର୍ଦ୍ଧା-ବଲାଙ୍ଗୀର 57 ନମ୍ବର ଜାତୀୟ ରାଜପଥର ରାଜ ସୁନାଖଳା କୁମାରୀ ଛକ ଠାରେ ଗତ ରାତିରେ ଘଟିଛି ଏହି ଦୁର୍ଘଟଣା l ଅଶୋକ ବାଇକରେ ବସିଥିବା ବେଳେ ତାଙ୍କର ସାଙ୍ଗ ବାଇକ ଚଳାଉଥିଲେ l ଉଭୟ ବୌଦ୍ଧରୁ ଫେରୁଥିବା ବେଳେ ବିପରୀତ ଦିଗରୁ ଆସୁଥିବା ଓଏସଆରଟିସିର ବସ ବାଇକକୁ ଧକ୍କା ଦେଇଥିଲା । ଫଳରେ ବସର ଚକା ତଳେ ପଡି ଯାଇଥିଲେ ଅଶୋକ l ଘଟଣା ସ୍ଥଳରେ ଅଶୋକଙ୍କ ମୃତ୍ୟୁ ହୋଇଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଇଟିଭି ଭାରତ,ନୟାଗଡ଼
