ନୟାଗଡ଼: ଜିଲ୍ଲା ଚାନ୍ଦପୁର ଥାନା ପୋଲିସ ଏକ ଆନ୍ତଃ ଜିଲ୍ଲା ବ୍ରାଉନସୁଗାର ବେପାରି ଗ୍ୟାଙ୍ଗକୁ ଗିରଫ କରିଛି । ସେମାନଙ୍କଠାରୁ ୭ ଗ୍ରାମ ବ୍ରାଉନସୁଗାର ଜବତ କରିଥିବାବେଳେ ଜଣେ ମହିଳାଙ୍କ ସମେତ ୪ ଜଣଙ୍କୁ ଗିରଫ କରିଛି ପୋଲିସ ।
ଆନ୍ତଃ ଜିଲ୍ଲା ବ୍ରାଉନସୁଗାର କାରବାର ଅଭିଯୋଗରେ ୪ ଗିରଫ
ଗିରଫ ଅଭିଯୁକ୍ତମାନେ ହେଲେ ଦେଉଳୀ ନୂଆସାହିର ସୁମନ୍ତ ନାୟକ(୨୪), ଖୋର୍ଦ୍ଧା ବାଶେଳୀସାହିର କହ୍ନେଇ ଘଡ଼ୁଆଳ(୪୦), କଟକ ନୂଆଗାଁ ପଞ୍ଚାୟତର କୃଷ୍ଣ ଧଳ (୪୦) ଏବଂ ତାଙ୍କ ପତ୍ନୀ ପ୍ରଭାତୀ ଧଳ l
ଏମାନେ ବାଲେଶ୍ବର ଜଳେଶ୍ବର ଅଞ୍ଚଳରୁ ବ୍ରାଉନସୁଗାର ଆଣି ଚାନ୍ଦପୁର ଓ ଟାଙ୍ଗି ଅଞ୍ଚଳରେ କାରବାର କରୁଥିଲେ l ରବିବାର କାରବାର ସମୟରେ ପୋଲିସ ଚଢ଼ାଉ କରିଥିଲା l ରାଇପଡ଼ା ଅଞ୍ଚଳରୁ ସେମାନଙ୍କୁ ଗିରଫ କରାଯାଇଥିଲା l ସୋମବାର ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରଶ୍ମି ରଞ୍ଜନ ଦାଶ ସୂଚନା ଦେଇଛନ୍ତି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
