ନୟାଗଡ: କେନ୍ଦ୍ର ସରକାରଙ୍କ ନୂଆ କୃଷି ବିଲ୍ ଓ ସଂଶୋଧିତ ଅତ୍ୟାବଶ୍ୟକ ସାମଗ୍ରୀ ବିଲ୍ ଆଦି ବିରୋଧରେ ଶୁକ୍ରବାର ଦିଆଯାଇଥିବା ବନ୍ଦ ଡାକରାରେ ସାମିଲ ହୋଇଛନ୍ତି ରାଜ୍ୟର ଏକାଧିକ କୃଷକ ସଂଗଠନ । ଏହି ପରିପ୍ରେକ୍ଷୀରେ ନୟାଗଡର ବିଭିନ୍ନ ସ୍ଥାନରେ କୃଷି ଆଇନକୁ ବିରୋଧ କରାଯାଇଛି l
ବହୁ କୃଷକ ସଂଗଠନ ନୟାଗଡରେ ବିକ୍ଷୋଭ, ନାରାବାଜି, ଶୋଭାଯାତ୍ରା କରିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କୁଶପୁତ୍ତଳିକା ଦାହ କରିଥିଲେ। ନୟାଗଡ ମଧ୍ୟଖଣ୍ଡରେ ଅଖିଳ ଭାରତୀୟ କୃଷକ ସଭା ଓ ରଣପୁରରେ ସିପିଆଇ(ଏମ୍) ଏବଂ ସିଆଇଟିୟୁ ମିଳିତ ଭାବେ ପ୍ରତିବାଦ କରିଛନ୍ତି l
ନୟାଗଡରେ କୃଷି ବିଲ୍କୁ ବିରୋଧ, ଗର୍ଜିଲେ ଚାଷୀ
ଏଥିରେ ଜିଲ୍ଲାର ଶତାଧିକ ଚାଷୀମାନେ ସାମିଲ ହୋଇଛନ୍ତି l ଆନ୍ଦୋଳନକାରୀମାନେ ରଣପୁର ବଜାର ପରିକ୍ରମା କରି ପଞ୍ଚୁଦୋଳ ପଡିଆ ଠାରେ ଧାରଣାରେ ବସି ରାସ୍ତା ଅବରୋଧ କରି ପ୍ରତିବାଦ କରିଛନ୍ତି l
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
