ନୟାଗଡ଼: ଏକ ଅଭ୍ୟାସରେ ପରିଣତ ହୋଇଛି ବାଲ୍ୟ ବିବାହ । କାମ ଦେଉନି ଚାଇଲ୍ଡ ଲାଇନର ନିର୍ଦ୍ଦେଶନାମା । ବାଲ୍ୟ ବିବାହ ଚାଲିଥିବା ବେଲେ ବନ୍ଦ କଲା ପ୍ରଶାସନ l ଜିଲ୍ଲା ପ୍ରଶାସନ ଏବଂ ଚାଇଲ୍ଡ ଲାଇନର ମିଳିତ ଉଦ୍ୟମରେ ଦୁଇ ଜଣ ନାବାଳିକାଙ୍କ ବିବାହକୁ ବନ୍ଦ କରାଯାଇଛି ।
ନୟାଗଡ଼ ଜିଲ୍ଲା ବିରୁଡ଼ା ଗ୍ରାମରେ ଏକ ନାବାଳିକାକୁ ବିବାହ କରାଯିବା ନେଇ ପ୍ରସ୍ତୁତି ଚାଲିଥିବା ବେଳେ ବିଶେଷ ସୂତ୍ରରୁ ଖବର ପାଇ ଚାଇଲ୍ଡ ଲାଇନ ବିବାହ ବନ୍ଦ କରିଛି l ବିରୁଡ଼ା ଗ୍ରାମର ନିରଞ୍ଜନ ମୁଦୁଲିଙ୍କ ସହ ବିବାହ ପାଇଁ କନ୍ୟାକୁ ବାପଘରୁ ଅଣାଯାଇଥିବା ବେଳେ ନାବାଳିକା କନ୍ୟାକୁ ଉଦ୍ଧାର କରି ସିଡବ୍ଲୁସିରେ ହାଜର କରାଯାଇଥିଲା । ପରେ ସେଠାରୁ ପରିବାର ଲୋକଙ୍କ ହେପାଜତରେ ଉଭୟ ନାବାଳିକାହ୍କୁ ଛଡ଼ା ଯାଇଥିବା ସୂଚନା ମିଳିଛି ।
ସେହିଭଳି ଭାବେ ନୂଆଗାଁ ଅଞ୍ଚଳର ଜଣେ ନାବାଳିକା ସହ ଓଡ଼ଗାଁ କୋରପିଠା ଗ୍ରାମର ଲକ୍ଷ୍ମୀଧର ସାହୁଙ୍କ ବିବାହ ପାଇଁ ସ୍ଥିର ହୋଇଥିବା ବେଳେ ଏହାକୁ ବନ୍ଦ କରାଯାଇଛି । ସିଡିପିଓ ଲକ୍ଷ୍ମୀ ଦାଶ ଏବଂ ଚାଇଲ୍ଡ ଲାଇନ ସଦସ୍ୟଙ୍କ ସହ ମିଳିତ ଭାବେ ପୁଲିସ ଚଢ଼ାଉ କରି ବିବାହ ଅଟକାଇଥିବା ଜଣାଯାଇଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
