ନୟାଗଡ଼: ଗତ ସୋମବାର ଠାରୁ ନୟାଗଡ଼ CDMO ଓ ଶିଶୁ ବିଶେଷଜ୍ଞ ଡାକ୍ତର ଆଶିଷ ଦୀକ୍ଷିତଙ୍କ ବିବାଦ ବାଟରେ ପଡ଼ି ହାଟରେ ଗଡୁଛି । ଡାକ୍ତର ଦୀକ୍ଷିତ ସରକାରୀ ବାସ ଭବନରେ ଚଢାଉ କରି, ସରକାରୀ ବାସ ଭବନରେ ରୋଗୀ ଦେଖି ପାରିବେ ନାହିଁ କହିଥିଲେ ସିଡ଼ିଏମଓ । ଏପରିକି ଡାକ୍ତର ଦୀକ୍ଷିତଙ୍କ ପାଖରେ କାର୍ଯ୍ୟରତ ୨ ସୁରକ୍ଷ କର୍ମୀଙ୍କୁ ସିଡ଼ିଏମଓଙ୍କ ଅଭିଯୋଗ କ୍ରମେ ପୋଲିସ ଅଟକ ରଖିଛି l ସକାଳ 7:30 ରେ ସିଡ଼ିଏମଓ ଏହି ଚଢ଼ାଉ କରିଥିଲେ l ଡାକ୍ତର ଦୀକ୍ଷିତ କହିବା ଅନୁସାରେ, ତାଙ୍କର ସକାଳ 8ରୁ ଦିନ 12 ପର୍ଯ୍ୟନ୍ତ ସରକାରୀ ମେଡିକାଲରେ ରୋଗୀ ଦେଖିବା ସମୟ ରହିଛି l 8 ଟା ପୂର୍ବରୁ ସିଡ଼ିଏମଓ ଚଢ଼ାଉ କରି ବାସଭବନରେ ରୋଗୀ ଦେଖିବାକୁ ବାରଣ କରିଛନ୍ତି l
ଦୀକ୍ଷିତ ଆହୁରି କହିଛନ୍ତି, ସିଡ଼ିଏମଓଙ୍କ ଚଢ଼ାଉ ବେଆଇନ ଏବଂ ଆଇନ ଅନୁସାରେ ଜଣେ ଡାକ୍ତର ରୋଗୀ ଦେଖିପାରିବ l ତଥାପି ସିଡ଼ିଏମଓଙ୍କ ବାରଣ ଯୋଗୁଁ ଡାକ୍ତର ଦୀକ୍ଷିତ ନିଜ ସରକାରୀ ବାସଭବନରେ ରୋଗୀ ଦେଖୁନାହାନ୍ତି l ଏହାର ପ୍ରଭାବ ରୋଗୀ ମାନଙ୍କ ଉପରେ ପଡିଛି l ଯେଉଁମାନେ ସରକାରୀ ବାସଭବନକୁ ଯାଉନଥିଲେ ସେମାନେ ଡାକ୍ତର ଦୀକ୍ଷିତଙ୍କ ପାଖକୁ ଯାଉଥିଲେ l ମାତ୍ର ଡାକ୍ତର ଦୀକ୍ଷିତ ରୋଗୀ ଦେଖିବା ବନ୍ଦ କରିଦେବାରୁ ରୋଗୀମାନେ ହଇରାଣ ହୋଇଛନ୍ତି l ସିଡ଼ିଏମଓ ଏବଂ ଡାକ୍ତରଙ୍କ ମଧ୍ୟରେ ବିବାଦ ଯୋଗୁଁ ରୋଗୀ ହଇରାଣ ହୋଇଥିବା କୁହାଯାଉଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
