ଅଫେରା ରାଇଜରେ ବିଶିଷ୍ଟ କାର୍ଟୁନିଷ୍ଟ, ବିଭିନ୍ନ ମହଲରୁ ଶୋକ

ଅଫେରା ରାଇଜରେ ବିଶିଷ୍ଟ କାର୍ଟୁନିଷ୍ଟ କିଶୋର ରଥ l ତାଙ୍କ ଅକାଳ ବିୟୋଗରେ ଏକ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ । ଅଧିକ ପଢନ୍ତୁ...

ନୟାଗଡ : ଅଫେରା ରାଇଜରେ ବିଶିଷ୍ଟ କାର୍ଟୁନିଷ୍ଟ କିଶୋର ରଥ l ସାରା ରାଜ୍ୟରେ କାର୍ଟୁନ କ୍ଷେତ୍ରରେ ସେ ସ୍ୱତନ୍ତ୍ର ସ୍ଥାନ ହାସଲ କରି ସଭିଙ୍କ ପ୍ରିୟ ହୋଇପାରିଥିଲେ l ତାଙ୍କ ଅକାଳ ବିୟୋଗରେ ଅନେକ ପ୍ରତିଷ୍ଠିତ ଲୋକ ଶୋକ ପ୍ରକାଶ କରିଛନ୍ତି l ଓଡ଼ିଶାର ଖ୍ୟାତନାମା କାର୍ଟୁନିଷ୍ଟ , ଲେଖକ, ଢୁମ୍ପା ସଙ୍ଗୀତର ପ୍ରଚାରକ, ନୟାଗଡ଼ ଜିଲ୍ଲା ତଥା ଖଣ୍ଡପଡା ଅଞ୍ଚଳର ସୁଯୋଗ୍ୟ ସନ୍ତାନ ଥିଲେ ।

କିଶୋର ରଥଙ୍କ ଅକାଳ ବିୟୋଗରେ ନୟାଗଡ଼ ଜିଲ୍ଲା ସାମ୍ବାଦିକ ସଙ୍ଘ ଏବଂ ଡିଜିଟାଲ ମିଡ଼ିଆ ସାମ୍ବାଦିକ ସଙ୍ଘ ତରଫରୁ ଆଜି ସନ୍ଧ୍ୟାରେ( ସୋମବାର) ନୟାଗଡ଼ ପୂର୍ତ୍ତବିଭାଗ ଡାକବଙ୍ଗଳା ଠାରୁ ମୁଖ୍ୟଛକ ପର୍ଯ୍ୟନ୍ତ ଏକ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଥିଲା l ସେହିପରି ବିଭିନ୍ନ ଅନୁଷ୍ଠାନ ତରଫରୁ ଶୋକପ୍ରକାଶ କରାଯାଇଛି l

ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ