ନୟାଗଡ: ଜିଲ୍ଲାରେ ସ୍ୱଭାବିକ ହେବ ରେଳ ଚଳାଚଳ । କୋରୋନା ପାଇଁ ଗତ ମାର୍ଚ୍ଚ ମାସରୁ ନୟାଗଡକୁ ରେଳ ଚଳାଚଳ ବନ୍ଦ ଥିଲା । ବର୍ତ୍ତମାନ ସ୍ଥିତିରେ ସୁଧାର ଆସିବାରୁ ଜିଲ୍ଲାରେ ରେଳ ଚଳାଚଳ ସ୍ବାଭାବିକ କରିବାକୁ ପୂର୍ବତଟ ରେଳପଥକୁ ଚିଠି ଲେଖିଛନ୍ତି ବିଧାୟକ ତଥା ମନ୍ତ୍ରୀ ଅରୁଣ ସାହୁ ।
କୋରୋନା ସ୍ଥିତିରେ ସୁଧାର ଆସିବାରୁ ରାଜ୍ୟରେ ଧର୍ମାନୁଷ୍ଠାନ ଖୋଲିଲାଣି । ପୁରୀ ଜଗନ୍ନାଥ ମନ୍ଦିର ଏବେ ଭକ୍ତଙ୍କ ପାଇଁ ସମ୍ପୁର୍ଣ୍ଣ ଭାବରେ ଖୋଲାଯାଇଛି l ଦୈନିକ ନୟାଗଡ଼ରୁ ଅଧିକାଂଶ ଭକ୍ତ ପୁରୀ ଯାଆନ୍ତି। ଯାତ୍ରୀମାନଙ୍କ ସୁବିଧା ପାଇଁ ନୟାଗଡ଼ରୁ ପୁରୀକୁ ଚାଲୁଥିବା ପାସେଞ୍ଜର ଟ୍ରେନ ଚଳାଚଳ ସ୍ବାଭାବିକ କରିବାକୁ ପୂର୍ବତଟ ରେଳପଥକୁ ଅନୁରୋଧ କରିଛନ୍ତି ବିଧାୟକ ତଥା ମନ୍ତ୍ରୀ ଅରୁଣ ସାହୁ । ଏହା ସହିତ ଭୁବନେଶ୍ୱର-ନୟାଗଡ଼କୁ ଯାତାୟାତ କରୁଥିବା ସବୁ ଏକ୍ସପ୍ରେସକୁ ପୁନଃ ଚଳାଚଳ କରିବା ପାଇଁ ମନ୍ତ୍ରୀ ପୂର୍ବତଟ ରେଳପଥକୁ ଚିଠି ଲେଖିଛନ୍ତି ।
ନୟାଗଡ଼ରୁରୁ ଜୟେନ୍ଦ୍ର ବେହେରା, ଇଟିଭି ଭାରତ
