ନୟାଗଡ଼: ଆକ୍ସନ ମୁଡ଼ରେ ନୟାଗଡ଼ ଏସପି ସିଦ୍ଧାର୍ଥ କଟାରିୟା । ନୟାଗଡ଼ ଜ଼ିଲ୍ଲାରେ ଦିନକୁ ଦିନ ବ୍ରାଉନ ସୁଗାର ବେପାର ବୃଦ୍ଧି ପାଇବାରେ ଲାଗିଛି । ଯାହାର ପ୍ରତିଫଳନ ସିଧାସଳଖ ଯୁବ ପିଢ଼ିଙ୍କ ଉପରେ ପଡୁଛି l ୨ ଦିନ ତଳେ ଇଟାମାଟି ଥାନା ପୋଲିସ ଦ୍ୱାରା ୨ ଜଣ ବ୍ରାଉନସୁଗାର ବେପାରୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିଲା ।
ନୟାଗଡ଼ରୁ ପୁଣି ବ୍ରାଉନସୁଗାର ଜବତ, 2 ଗିରଫ
ଆଜି(ବୁଧବାର) ଟାଉନ ଥାନା ପୋଲିସ ଖବର ପାଇଥିଲା ଯେ, ଖୋର୍ଦ୍ଧା ଜ଼ିଲ୍ଲାର ଦୁଇଜଣ ବେପାରୀ ନୟାଗଡ଼ ଟାଉନକୁ ବ୍ରାଉନ ସୁଗାର ଧରି ଆସୁଛନ୍ତି । ନୟାଗଡ଼ ଷ୍ଟେସନ ନିକଟରେ ପୋଲିସ ୨ ଜଣଙ୍କୁ କାବୁ କରିଥିଲା ।
ଗିରଫ ୨ ଜଣ ଖୋର୍ଦ୍ଧା ଜିଲ୍ଲା ନେଳିପଡ଼ା ଅର୍ଜୁନପୁର ଗ୍ରାମର ସିଦ୍ଧାନ୍ତ ନାୟକ ଏବଂ ପୁବୁସାହିର ପ୍ରକାଶ ନାୟକ । ସେମାନଙ୍କ ଠାରୁ 4 ଗ୍ରାମ 310 ମିଲିଗ୍ରାମ ବ୍ରାଉନସୁଗାର ଜବତ ହୋଇଛି । ଦୁଇଟି ମୋବାଇଲ ସହ ଏକ ବାଇକ ମଧ୍ୟ ଜବତ କରାଯାଇଛି । ଆସନ୍ତାକାଲି ଦୁଇଜଣଙ୍କୁ କୋର୍ଟ ଚାଲାଣ କରାଯିବା ନେଇ ପୋଲିସ ଠାରୁ ସୂଚନା ମିଳିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
