ସାମାନ୍ୟ ବଚସାରୁ ଛୁରାମାଡ, ଜଣେ ମୃତ କାରଣ ଅସ୍ପଷ୍ଟ

ଶରଣକୁଳ ଥାନା ଅଞ୍ଚଳ ପଞ୍ଚୁମି ଗାଁରେ ଘଟିଛି ଅଘଟଣ l ଭୋଜି କରୁଥିବା ବେଳେ ପ୍ରଥମେ ବଚସା ଏବଂ ପରେ ଛୁରା ମାଡ଼ରେ ଜଣଙ୍କ ମୃତ୍ୟୁ । ପୋଲିସର ତଦନ୍ତ ଜାରି । ଅଧିକ ପଢନ୍ତୁ...

ନୟାଗଡ଼: ଶରଣକୁଳ ଥାନା ଅଞ୍ଚଳ ପଞ୍ଚୁମି ଗାଁରେ ଘଟିଛି ଅଘଟଣ l ସେହି ଗାଁର ଜଣେ ବ୍ୟକ୍ତିଙ୍କ ଛୁରୀ ମାଡ଼ରେ ବିଜୟ କୁମାର ଜେନା ଓରଫ ବଙ୍ଗର ନାମକ ଜଣେ ବ୍ୟକ୍ତି ମୃତ୍ୟୁ ହୋଇଛି । ତେବେ ପ୍ରଥମେ ତାଙ୍କୁ ଗୁରୁତର ଅବସ୍ଥାରେ ନୟାଗଡ଼ ଜିଲ୍ଲାମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା l ମାତ୍ର ସେଠାରେ ତାଙ୍କର ମୃତ୍ୟୁ ଘଟିଛି l

ସୂଚନାମୁତାବକ, ଗାଁରେ କିଛି ବ୍ୟକ୍ତି ଭୋଜି କରୁଥିବା ବେଳେ ପ୍ରଥମେ ବଚସା ଏବଂ ପରେ ଛୁରୀ ମାଡ଼ ହୋଇଥିବା ସୂଚନା ମିଳିଛି l ତେବେ ହତ୍ୟାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଏନେଇ ଶରଣକୁଳ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ