ନୟାଗଡ଼:15 ଫୁଟର ଅହିରାଜକୁ ଉଦ୍ଧାର କଲେ ବନ କର୍ମଚାରୀ । ନୟାଗଡ଼ ଜିଲ୍ଲା କୋରଡ଼ା ଗାଁର ନାରାୟଣ ମିଶ୍ରଙ୍କ ଶୌଚାଳୟରେ ଏକ ସାପ ପଶିଥିବା ଶବ୍ଦ ଶୁଣିବାକୁ ମିଳିଥିଲା। ଗତକାଲି ରାତିରେ ନାରାୟଣ ଶୌଚାଳୟ ବ୍ୟବହାର କରିବା ପାଇଁ ଆସିଥିବାବେଳେ ସାପର ଶବ୍ଦ ଶୁଣିବାକୁ ପାଇ ପଡୋଶୀଙ୍କୁ ଡାକିଥିଲେ ।
ଶୌଚାଳୟରେ ପସିଥିଲା 15 ଫୁଟ ଲମ୍ବର ଅହିରାଜ, ଉଦ୍ଧାର କଲେ ବନ କର୍ମଚାରୀ
କୌଶଳକ୍ରମେ ଶୌଚାଳୟର ଡୋର ଖୋଲାଯିବାରୁ ଏକ ବଡ ଅହିରାଜ ସାପ ପଶିଥିବା ଦେଖିବାକୁ ମିଳିଥିଲା । ପରେ ସଙ୍ଗେ ସଙ୍ଗେ ବନ ବିଭାଗକୁ ଖବର ଦିଆଯାଇଥିଲା । ଗୁମି ଫରେଷ୍ଟର ବନମାଳୀ ରାଉତ ଆସି ସାପକୁ ଉଦ୍ଧାର କରିଥିଲେ । ଉଦ୍ଧାର ସାପଟିର ଲମ୍ବ 15 ଫୁଟ ହୋଇଥିବାବେଳେ ସାପଟି ସମ୍ପୂର୍ଣ୍ଣ ସୁସ୍ଥ ଥିବା ଜଣାପଡିଥିଲା । ପରେ ସାପଟିକୁ ସ୍ଥାନୀୟ ରଗଡିମଡ଼ା ଜଙ୍ଗଲରେ ସୁରକ୍ଷିତ ଭାବେ ଛାଡି ଦେଇଥିଲେ ବନ କର୍ମଚାରୀ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
