ନୟାଗଡ: ଚାନ୍ଦପୁର ଥାନା ଅନ୍ତର୍ଗତ ଗୋପବନ୍ଧୁ ନଗରର ଜଣେ 8 ବର୍ଷୀୟା ଝିଅକୁ ଅପହରଣ ଅଭିଯୋଗ । ଅପହରଣ ହୋଇଥିବା ନାବାଳିକା ଜଣଙ୍କ ହେଲେ ରାଜେଶ ଚୌଧୂରୀଙ୍କ ଝିଅ ମିତାଲି ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ
ସୂଚନାମୁତାବକ, ମିତାଲି ଓ ତାର ସମ୍ପର୍କୀୟ ଭାଇ ଖେଳୁଥିବା ସମୟରେ କେହି ଜଣେ ଦୁର୍ବୃତ୍ତ ଟଙ୍କା ଦେବା ପ୍ରଲୋଭନ ଦେଖାଇ ଅପହରଣ କରିଥିବା ଥାନାରେ ଅଭିଯୋଗ କରିଛନ୍ତି ବାପା ରାଜେଶ ଚୌଧୂରୀ । ହେଲେ ଏହା ମଧ୍ୟରେ 3 ଦିନ ବିତିଯାଇଥିଲେ ମଧ୍ୟ ମିତାଲିର କୌଣସି ଟେର ପାଉନି ପୋଲିସ ।
ଅନ୍ୟପଟେ ଏହି ଘଟଣାର ତଦନ୍ତ ଜାରି ରଖିଥିବା ବେଳେ ଖୁବଶୀଘ୍ର ଅଭିଯୁକ୍ତକୁ ଗିରଫ କରାଯିବ ବୋଲି ସୂଚନା ଦେଇଛନ୍ତି ଚାନ୍ଦପୁର ଥାନାଧିକାରୀ ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
