ନୟାଗଡ଼: ଜିଲ୍ଲା ନୂଆଗାଁ ଥାନା କୋରଡ ନିକଟରୁ ୮ ପ୍ୟାକେଟ ଗଞ୍ଜେଇ ଜବତ । ପୋଲିସ ପାଟ୍ରୋଲିଂ କଲାବେଳେ ଦିନବେଳା କୋରଡ ନିକଟରେ ଏକ କଳା ରଙ୍ଗର ବୁଲେଟ ଫୁଲବାଣୀରୁ ନୟାଗଡ ଅଭିମୁଖେ ଯାଉଥିଲା l ହଠାତ ପୋଲିସ ଭ୍ୟାନକୁ ଦେଖି ବୁଲେଟଟି ପଛକୁ ଫେରିବାରୁ ପୋଲିସର ସନ୍ଦେହ ବଢିଥିଲା । ପୋଲିସ ଭ୍ୟାନ ସେ ବୁଲେଟକୁ ଗୋଡାଇଥିଲା, ଯାହାଫଳରେ କୋରଡ ଛକ ନିକଟରୁ ବୁଲେଟ ଜବତ କରିବାରେ ପୋଲିସ ସକ୍ଷମ ହୋଇଥିଲା ।
ବୁଲେଟରୁ ୮ ପ୍ୟାକେଟ ଗଞ୍ଜେଇ ଯାହାର ଆନୁମାନିକ ମୂଲ୍ୟ ୬୦ ହଜାର ହେବ ବୋଲି ଜଣାପଡ଼ିଛି । ୪ ଜଣ ଅଭିଯୁକ୍ତଙ୍କ ସମେତ ଏକ ବୁଲେଟ ନ- ଓଡ଼ି୦୨ବିପି୪୪୩୮ ସହିତ ଏକ ସ୍କୁଟି ଓଡି୩୩ଟି୩୦୧୭ ମଧ୍ୟ ଜବତ କରିଛି ନୂଆଗାଁ ପୋଲିସ ।
ଧରାହୋଇଥିବା ଅଭିଯୁକ୍ତମାନେ ହେଲେ ଭୁବନେଶ୍ବର ଖଣ୍ଡଗିରି ବାରବୁଲା ବସ୍ତିର ଲକ୍ଷ୍ମଣ ସବର, କୁମାର ବାପି ବେହେରା, ସନ୍ତୋଷ ବେହେରା ଓ ମଞ୍ଜୁ ବେହେରା । ଏମାନେ ଦୀର୍ଘ ୧୫ ବର୍ଷ ହେଲା ଏହି ବସ୍ତିରେ ରହୁଛନ୍ତି l କିନ୍ତୁ ଏମାନଙ୍କ ଘର ଗଜପତି, ମୟୂରଭଞ୍ଜ ବୋଲି ସୂଚନା ମିଳିଛି l ୪ ଅପରାଧୀକୁ କୋର୍ଟ ଚାଲାଣ କରାଯାଇଥିବା ନୂଆଗାଁ ଥାନା ଅଧିକାରୀ ରମେଶ କୁମାର ଦେବତା ସୂଚନା ଦେଇଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
