ନୟାଗଡ: ଦଶପଲ୍ଲା ନିର୍ବାଚନ ମଣ୍ଡଳୀ ପାଇଁ ନାମାଙ୍କନ ପତ୍ର ଦାଖଲ କଲେ ୩ ପ୍ରମୁଖ ଦଳର ପ୍ରାର୍ଥୀ । ବିଜେଡ଼ି ଦଳରୁ ବିଧାୟକ ପଦପାଇଁ ଦଳିୟ ଟିକେଟ ପାଇଥିବା ରମେଶ ଚନ୍ଦ୍ର ବେହେରା ହଜାର ହଜାର ସମର୍ଥକଙ୍କ ସହ ପ୍ରାର୍ଥୀ ପତ୍ର ଦାଖଲ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ
ସେହିପରି ଗତକାଲି ବିଜେଡି ଟିକେଟ୍ ନପାଇ ବିଜେପିରେ ଯୋଗ ଦେଇଥିବା ବିଧାୟକ ପୂର୍ଣ୍ଣଚନ୍ଦ୍ର ନାୟକ ଭାରତୀୟ ଜନତା ପାର୍ଟି ପାଇଁ ପ୍ରାର୍ଥୀ ପତ୍ର ଦାଖଲ କରିଛନ୍ତି । ସେପଟେ କଂଗ୍ରେସ ଦଳରୁ ବିଧାୟକ ପଦପାଇଁ ପ୍ରଶାନ୍ତ ନାୟକ ନିଜ ସମର୍ଥକଙ୍କ ସହ ପ୍ରାର୍ଥୀ ପତ୍ର ଦାଖଲ କରିଛନ୍ତି ।
ତେବେ ଏହି ୩ ଦଳର ପ୍ରାର୍ଥୀ ନିଜ ପ୍ରାର୍ଥୀ ପତ୍ର ଦାଖଲ କରୁଥିବା ବେଳେ ସେମାନଙ୍କ ସମର୍ଥକଙ୍କ ମଧ୍ୟରେ ଦେଖିବାକୁ ମିଳିଥିଲା ଖୁସି ଏବଂ ଉତ୍ସାହର ଲହରୀ ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
