ନବରଙ୍ଗପୁର: ଦିନକୁ ଦିନ ବଢି ଚାଲିଛି କାଠ ମାଫିଆଙ୍କ ଦୌରାମ୍ୟ । ଏକାଧିକ ଶାଗୁଆନ କାଠ ଗଣ୍ତି ଜବତ କରିବା ସହ ଜଣଙ୍କୁ ଗିରଫ କରାଯାଇଛି । ଏନେଇ ଅଧିକ ତଦନ୍ତ ଜାରି ରଖିଛି ବନ ବିଭାଗ । ସୂଚନା ଅନୁଯାୟୀ, ବେହେଡା ସଂରକ୍ଷିତ ଜଙ୍ଗଲର ଜାମଧରା ସହ ଆଖପାଖ ଅଞ୍ଚଳରେ ଲଗାଯାଇଥିବା ଶଗୁଆନ ପ୍ଲଟରୁ ଅବାଧ ଗଛ କାଟି ଚୋରା ଚାଲାଣ ହେଉଥିଲା । ଏନେଇ ବନ ବିଭାଗ ଓ ବନ ସୁରକ୍ଷା ସମିତି ପକ୍ଷରୁ ମାଫିଆ ମାନଙ୍କୁ ଧରିବାକୁ ପ୍ରୟାସ ଆରମ୍ଭ ହୋଇଥିଲା ।
ଶାଗୁଆନ କାଠ ଗଣ୍ତି ଜବତ, ଜଣେ ଗିରଫ
ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ଆସମନ ଗଣ୍ଡ କେତେକ କାଠ ଜଙ୍ଗଲ ମଧ୍ୟରୁ ଆଣି ଘରେ ରଖିଥିଲେ । ଏନେଇ ସୁରକ୍ଷା ସମିତିର କିଛି ଲୋକେ ତାଙ୍କୁ ଡାକି ବୈଠକରେ ପଚରାଉଚରା କରିଥିଲେ । ହେଲେ କୈଣସି ସୁଫଳ ମିଳି ନଥିଲା । ଶେଷରେ ବନ ବିଭାଗକୁ ଖବର ଦିଆଯାଇଥିଲା। ଘଟଣାସ୍ଥଳରେ ବନ ବିଭାଗ କର୍ମଚାରୀ ପହଞ୍ଚି ଆସମନଙ୍କୁ ଗିରଫ କରିବା ସହ ତାଙ୍କ ଘରୁ ଏକାଧିକ ଶାଗୁଆନ ଗଣ୍ଡି ଜବତ କରିଥିଲେ।
ନବରଙ୍ଗପୁରରୁ ତପନ କୁମାର ବିଷୟୀ, ଇଟିଭି ଭାରତ
