ନବରଙ୍ଗପୁର: ଜିଲ୍ଲାରେ ଘଟିଛି ଅଭାବନୀୟ ଘଟଣା । ନବରଙ୍ଗପୁର ଭତରା ସିୟୁନି ଗାଁର ଟୁରୀ ନଦୀ କୂଳରେ ମାଟି ଅତଡା ଖସି ଜଣେ ମହିଳାଙ୍କର ମୃତ୍ୟୁ ଘଟିଛି । ମୃତକ ଜଣକ ଦାନାଗୁଡା ଗାଁର ନିଳା ଭତରା ବୋଲି ଜଣାପଡ଼ିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ଗ୍ରାମର କିଛି ମହିଳା ପ୍ରତ୍ୟେକ ଦିନ ଭଳି ଘଟଣା ଦିନ ମଧ୍ୟ ତୁରୀ ନଦୀ କୂଳକୁ ଚୂନମାଟି ଖୋଳିବାପାଇଁ ଯାଇଥିଲେ । ମାଟି ଖୋଳିବା ବେଳେ ଦୁର୍ଭାଗ୍ୟବଶତଃ ମାଟି ଅତଡା ଖସି ଯାଇଥିଲା । ମାଟି ଖସିବା ପରେ 2ଜଣ ପୋତି ଯାଇଥିଲେ । ଖବର ପାଇ ଗ୍ରାମବାସୀ ଘଟଣାସ୍ଥଳରେ ପହଞ୍ଚି ମାଟି ଅତଡା ଭିତରେ ଫସି ରହିଥିବା ମହିଳା ଓ ଅନ୍ୟଜଣଙ୍କୁ ଉଦ୍ଧାର କରିଥିଲେ ।
ତେବେ ଜଣେ ଅଳ୍ପକେ ବର୍ତ୍ତି ଯାଇଥିବା ବେଳେ ନିଳା ଭାତରା ନାମକ ମହିଳାଙ୍କ ମୃତ୍ୟୁ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ମରଶରୀରକୁ ଜବତ କରିବା ସହ ତଦନ୍ତ ଜାରି ରଖିଛି ।
ନବରଙ୍ଗପୁରରୁ ତପନ ବିଷୋଇ, ଇଟିଭି ଭାରତ
